بخوبی مہر_تاباں ماہ سے تا_بہ_ماہی ہو

بخوبی مہر تاباں ماہ سے تا بہ ماہی ہو

بڑا کیا اس سے رتبہ ہو کہ محبوب الٰہی ہو

قیامت تک نہ اس کی کشتئ دل کو تباہی ہو

کہ جس کا ناخدا الطاف محبوب الٰہی ہو

کرے کیوں کر نہ سجدہ تجھ کو اک عالم تعشق سے

بسمت فرق محبوبی جو ایسی کج کلاہی ہو

قیامت کو کریمی کی کھلے گی ماہیت اس کی

کہ جس کے دل میں عشق پاک محبوب الٰہی ہو

ڈریں کیوں عشق بازی سے فخر کے چاہنے والے

نظام الدین نصیرالدین کی جس کو رہنمائی ہو