ہر اک دل_و_الہ_و_شیدا ہے محبوب_الٰہی کا

ہر اک دل و الہ و شیدا ہے محبوب الٰہی کا

جہاں میں ہر طرف غوغا ہے محبوب الٰہی کا

ہمیں کچھ غم نہیں ہو تابش خورشید محشر سے

ہمارے سر پہ ایک سایہ ہے محبوب الٰہی کا

بہت اندھوں کی آنکھیں کھول دیں اور کان بہروں کے

دم اقدس دم عیسی ہے محبوب الٰہی کا

جہاں میں شور و غوغا ہے ہر اک کے سر میں سودا ہے

جسے دیکھا وہ دیوانہ ہے محبوب الٰہی کا

مزار پاک پر قربان شب کو چاند ہوتا ہے

یہ دن کو مہر پروانہ ہے محبوب الٰہی کا

اسے عالم پناہی ہے وہ محبوب الٰہی ہے

وہ پیارا حق کا حق پیارا ہے محبوب الٰہی کا

نظام الدین سے حسن نظام دین و دنیا سے

پر تیر قضا ایما ہے محبوب الٰہی کا

ولی ہے وہ محمدؐ مصطفیٰ کے دین کا رہبر

در فردوس اک کوچہ ہے محبوب الٰہی کا

جہاں میں ہر کسی کو اک سہارا ہے بھروسہ پر

غلاموں کو فقط تکیہ ہے محبوب الٰہی کا

جو کچھ علویؔ نشہ میں بکتا رہتا ہے تو بکنے دو

لو یہ انداز مستانہ ہے محبوب الٰہی کا