ساقی سے کہے جا کے جوہر کارہ ہو حاضر

ساقی سے کہے جا کے جوہر کارہ ہو حاضر

اس وقت تو مستوں کی ذرا چاہئے خاطر

وہ جامِ عنایت ہو کہ جو ہوش رُبا ہو

پائیں وہ قدح جو مےِ عرفاں سے بھرا ہو

لو مومنو اب شاہ کی تعظیم کو اٹھو

محفل میں حضور آتے ہیں تسلیم کو اٹھو

قربان کرو لا کے زر و سیم کو اٹھو

دیدار رُخِ احمد بے میم کو اٹھو

پھیلی ہے یہ ضو چار طرف رب علا کی

تعظیم محمد کی ہے تعظیم خدا کی

غل ہو کہ سلام آپ پہ یا قبلۂ عالم

غل ہو کہ سلام آپ پہ یا کعبۂ اعظم

غل ہو کہ سلام آپ پہ یا نورِ مجسم

غل ہو کہ سلام آپ یہ یا افسرِ آدم

ہر شخص کو لازم ہے کرے شکر خدا کا

غلِ بزم میں ہو صلِ علیٰ صل علیٰ کا

ہالے میں عجب لمعۂ نورِ قمر آیا

کیا حلقۂ پرکار میں نقطہ نظر آیا

قالب میں تو جان آنکھ میں نور نظر آیا

ظلمات میں اسکندر عالیِ گہر آیا

سدرہ اسے کہیے تو یہ جبرئیلِ امیں تھے

وہ تختِ سلیماں تو سلیماں شہِ دیں تھے

آتی تھی یہی غیب سے آواز کہ جاؤ

اس وقت اسے مشرق و مغرب میں پھراؤ

ہاں جلوۂ محبوبِ خدا اس کو دکھاؤ

پوچھے جو کوئی نامِ محمد تو بتاؤ

شہرہ ہو زمانے میں شہ کون و مکاں کا

آگاہ جہاں ہو کہ یہ مالک ہے جناں کا

کرم سے اب ظہیریؔ کے بدن کو بھی نہ چھو جائے

ہوائے حرص و بغض و آزیا محبوبِ سبحانی