علی کے ساتھ ہے زہرا کی شادی

علی کے ساتھ ہے زہرا کی شادی

سبھی خوش ہیں خدائی بھی خدا بھی

لڑکا ہے خدا کے گھر کا لڑکی ہے نبی کے گھر کی

وہ ارض و سما کا مالک وہ ملکہ بحر و بر کی

زمیں رقصاں ہے رقصاں آسماں بھی

علی کے ساتھ ہے زہرا کی شادی

بولا یہ خدا ہر جانب رحمت کی گھٹا برسے گی

جو بغض سے بنجر ہوگی بس وہ ہی زمیں ترسے گی

اٹھو جبرئیل کر دو یہ منادی

علی کے ساتھ ہے زہرا کی شادی

بارات چلی حیدر کی رحمت کے سائے سائے

بارات کی آگے دیکھو ہر کوئی خوشی میں گائے

نبی سارے چلے بن کر باراتی

علی کے ساتھ ہے زہرا کی شادی

حیدر ہیں کلہ ایما اور کلہ عصمت زہرا

اس سر پہ وفا کا صحرا اس سر پہ حیا کہ صحرا

یہ شہزادہ اور وہ شاہ زادی

علی کے ساتھ ہے زہرا کی شادی

قدرت کی طرف سے ان کو ابھی تحفے اور ملیں گے

کل ان کے حسیں آنگن میں دو اصلی پھول کھلیں گے

حسیں شجرے جنہیں دیں گے سلامی

علی کے ساتھ ہے زہرا کی شادی

دولہا کے روپ میں پیارے علی ابن ابی طالب ہیں

تھا باپ بھی سب پہ غالب یہ بھی کل غالب ہیں

یہ داماد نبی ہیں اور وہ سمدھی

علی کے ساتھ ہے زہرا کی شادی

کیسے ہو بیاں وہ منظر جب ختم ہوئی سب رسمیں

کونین کی ہر شے گو ہر کہتی تھی کھا کر قسمیں

مبارک ہو مبارک ہے یہ شادی

علی کے ساتھ ہے زہرا کی شادی