شرف بخش ولایت ہے معین الدین اجمیری

شرف بخش ولایت ہے معین الدین اجمیری

شہ ملک کرامت ہے معین الدین اجمیری

سراپا حق کی رحمت ہے معین الدین اجمیری

محمد کی عنایت ہے معین الدین اجمیری

زمینِ ہند پر لاکھوں ہوئے پیدا ولی اللہ

تجھے سب پر فضیلت ہے معین الدین اجمیری

وہی ہے مستحقِ رحمت یزداں دو عالم میں

تری جس پر عنایت ہے معین الدین اجمیری

ہوا بھی اس جگہ کی پا نہیں سکتا کوئی قدسی

وہ تیری جائے رفعت ہے معین الدین اجمیری

رسول اللہ خوش ہے اُس سے اور اللہ بھی خوش ہے

جو تجھ سے خوش عقیدت ہے معین الدین اجمیری

حبیب اللہ کا تو بھی ہے اے آل حبیب اللہ

خدا کو تجھ سے الفت ہے معین الدین اجمیری

بہشتی آستانِ پاک کے سب رہنے والے ہیں

ترا درباب جنت ہے معین الدین اجمیری

ترا خادم ترا بندہ تیرا عاشق ترا شیدا

فگار خوش عقیدت ہے معین الدین اجمیری