آپ ہی کا ذکر گلشن میں ہے خواجہ شاخ شاخ

آپ ہی کا ذکر گلشن میں ہے خواجہ شاخ شاخ

کہہ رہا ہے خوجہ خواجہ، پتا پتا، شاخ شاخ

ان کے عارض کا ہے پرتو سبز سبز اور سرخ سرخ

دیکھے کوئی پتا پتا، غنچہ غنچہ، شاخ شاخ

مرشدِ کامل بنا جھونکا نسیمِ صبح کا

جھوم کر ہے محو ذکر شاہِ والا شاخ شاخ

جب ہوا سایر میں باغِ خاندانِ چشت کا

ذکرِ حق میں بلبل دل خوب چہکا شاخ شاخ

ان کے سایہ میں پلا ہے ہر شجر اجمیر کا

کیوں نہ فاخر اس کی ہو بالائے طوبا شاخ شاخ

باغبانِ گلشن چشت آپ ہیں خواجہ مرے

رنگ عرفاں کا دکھائے کیوں نہ جلوہ شاخ شاخ

نخل دل کے ٹہنیوں پر گل کھلے عرفان کے

محو ہو حق کیوں نہ مرغِ فکر ہوگا شاخ شاخ

بھینی بھینی کیوں نہ آئے بوئے باغِ معرفت

ان کے باد لطف کا پہنچا ہے جھونکا شاخ شاخ

کیا درختِ خاندانِ چشت بھی بالیدہ ہے

لا مکاں سے جس کی بڑھ کر ہے دوبالا شاخ شاخ

بلبل دیوانۂ بستانِ خواجہ ہے فداؔ

اس کو بھٹکائے گا جنت میں بھی سودا شاخ شاخ