در اصل فسانہ ہے ترا ایسا فسانہ

در اصل فسانہ ہے ترا ایسا فسانہ

بھولا ہے نہ بھولے گا کبھی جس کو زمانہ

دیوانۂ محبوب الٰہی تو کبھی تھا

اب تو ترا دیوانہ ہے یہ سارا زمانہ

اخلاص کی تجھ میں یہ ادا پائی گئی ہے

دشمن بھی ہوا تیر محبّت کا نشانہ

اک ہستیٔ رنگیں کے ہیں عنوان ہزاروں

حیران ہوں کس طرح لکھوں تیرا فسانہ

تو انجمن عشق کی اک شمع ضیا بار

تو سازِ محبت کا ہے رنگین ترانہ

خسرو تری عظمت کا ہے واجد ؔ بھی پرستار

اقلیم سخن میں تری ہستی ہے یگانہ