vahii behosh hai jo aap kaa mastaana nahii.n

vahii behosh hai jo aap kaa mastaana nahii.n

KHud vo diivaana hai jo aap kaa diivaana nahii.n

dost hote hai.n fidaa jalte hai.n dushman tujh se

kaun hai vo jo tire husn kaa parvaana nahii.n

roz-e-raushan kii tarh teraa numaayaa.n hai kamaal

kor-e-baatin hai vo jis ne tujhe pahchaanaa nahii.n

laa idhar jaam ki naa-ahl hai.n munkir saaqii

dar-KHur har kas-naa-kas tiraa paimaana nahii.n

shor-e-vaa'iz hai usii vaqt tak ai piir-e-muGaa.n

guu.njaa jab tak ki tiraa naa'ara-e-mastaana nahii.n

KHud hii miT jaa.e.nge sab haq ke miTaane vaale

laakh koshish kare.n miTtaa tarah afsaana nahii.n

karte hai.n ahl-e-hasad terii havaa-kHezii kyaa

mumkin un zarro.n se KHurshiid kaa chhup jaanaa nahii.n

is zamaana me.n hai mahruum-e-azal ye shanaaKHt

ya'anii jo mo'taqid-e-hazrat maulaanaa nahii.n

shaah saahib jo samajhtaa hai tuu bhik-mango.n ko

tuu ne dekhii vo abhii suurat-e-shaahaana nahii.n

vahii behosh hai jo aap kaa mastaana nahii.n

KHud vo diivaana hai jo aap kaa diivaana nahii.n

dost hote hai.n fidaa jalte hai.n dushman tujh se

kaun hai vo jo tire husn kaa parvaana nahii.n

roz-e-raushan kii tarh teraa numaayaa.n hai kamaal

kor-e-baatin hai vo jis ne tujhe pahchaanaa nahii.n

laa idhar jaam ki naa-ahl hai.n munkir saaqii

dar-KHur har kas-naa-kas tiraa paimaana nahii.n

shor-e-vaa'iz hai usii vaqt tak ai piir-e-muGaa.n

guu.njaa jab tak ki tiraa naa'ara-e-mastaana nahii.n

KHud hii miT jaa.e.nge sab haq ke miTaane vaale

laakh koshish kare.n miTtaa tarah afsaana nahii.n

karte hai.n ahl-e-hasad terii havaa-kHezii kyaa

mumkin un zarro.n se KHurshiid kaa chhup jaanaa nahii.n

is zamaana me.n hai mahruum-e-azal ye shanaaKHt

ya'anii jo mo'taqid-e-hazrat maulaanaa nahii.n

shaah saahib jo samajhtaa hai tuu bhik-mango.n ko

tuu ne dekhii vo abhii suurat-e-shaahaana nahii.n