ولایت کا ہوا اعلاں غدیر_خم کی محفل میں
ولایت کا ہوا اعلاں غدیر خم کی محفل میں
رسول اللہ ہیں گل افشاں غدیر خم کی محفل میں
مبارک ہو مبارک ہو علی تم کو مبارک ہو
یوں کہتا تھا ہر انس و جاں غدیر خم کی محفل میں
مبارک باد دینے کو یہ تینوں بھی ہوئے حاضر
ابو بکر و عمر عثماں غدیر خم کی محفل میں
ولا و اولیا میں اولی و والا علی مولا
کھلا یہ معنیٔ قرآں غدیر خم کی محفل میں
منور ہونے کو حاضر ہیں دیکھو اولیا سارے
ولا کا شمس ہے تاباں غدیر خم کی محفل میں
اٹھا کر ہاتھ مولا کا نبی نے راز یہ کھولا
یہی ہیں رہبر عرفاں غدیر خم کی محفل میں
بچا لے گا مجھے محشر میں جو تنگی و وحشت سے
ملا مجھ کو وہی داماں غدیر خم کی محفل میں
بہ مثلِ بو ذر و سلمان مجھ کو بھی پلا ساقی
بٹی تھی جو مئے عرفاں غدیر خم کی محفل میں
مسیحا ہے جو میرا ہے وہی رشک مسیحا بھی
کرے گا درد کا درماں غدیر خم کی محفل میں
بہ نسبت مرشد و مولا اثرؔ دیکھے ان آنکھوں سے
رخ زیبا گل خنداں غدیر خم کی محفل میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
