ہوشیاراں شراب چاہے ہیں

ہوشیاراں شراب چاہے ہیں

ہاتھ پر آفتاب چاہے ہیں

در سے اٹھوا دیا یہ کہہ کے مجھے

کہا یہ خانہ خراب چاہے ہیں

موت یا زندگی ترے مہجور

آج تجھ سے جواب چاہے ہیں

ہم گنہگار چھپ کے پینے کا

تجھ سے داتا ثواب چاہے ہیں

ان تری خوابناک آنکھوں سے

ہم بھی تھوڑا سا خواب چاہے ہیں

اک گل سرسبد ملے جس سے

ہم وہ شاخِ گلاب چاہے ہیں

میکدے میں حساب ہووے ہے

اورہم بے حساب چاہے ہیں

عشق بازی میں اے وفا ؔصاحب

آپ بھی کچھ خطاب چاہے ہیں