یا حضرتِ خیرالبشر ٹک تو خدا کے واسطے

یا حضرتِ خیرالبشر ٹک تو خدا کے واسطے

کیجیو نظر میری طرف خیرالنسا کے واسطے

بگذر بما اے بادشہ و ز چشم رحمت کن نظر

شبیر و شبر اور علی مرتضیٰ کے واسطے

مہتر توئی سرور توئی جاناں توئی دلبر توئی

ہم داروئے درماں توئی مجھ مبتلا کے واسطے

بہتر عیادت آئیے سر پر مرے رکھیے قدم

درکار ہے خاک قدم میری شفا کے واسطے

در جستجوئے یار ہے دل، طالب دیدار ہے

جینا مجھے دشوار ہے اس ابتلا کے واسطے

شام و سحر آہ و فغاں مجنوں صفت، ہر سودواں

میں کیا کروں دل ہے تپاں اس دلربا کے واسطے

دیوانہ و شیدا ہوں میں سوزاں ہوں میں نالاں ہوں میں

چوں ماہی بے آب ہوں تیری لقا کے واسطے

داروئے جانم بوئے تو آب حیاتم روئے تو

بکشا نقاب از روئے تو میری بقا کے واسطے

ورد زبانم نام تو یا احمد یا مصطفیٰ

تم کو پکاروں یا نبی اس مدعا کے واسطے