صدق_و_صفا میں یکتا ہے درجہ حسین کا

صدق و صفا میں یکتا ہے درجہ حسین کا

اسلام کی بقا بھی ہے صدقہ حسین کا

صدیاں حسین ابن علی کو گزر گئیں

چھایا ہے اب بھی دنیا پہ سایہ حسین کا

اب اس سے بڑھ کے ہوگی شہادت کی کیا مثال

پیاسا شہید ہو گیا کنبہ حسین کا

للکار کر یہ حر نے کہا فوج شام سے

لو بن گیا غلام بھی شیدا حسین کا

عباس کی دلاوری کربل میں دیکھ کر

پھولا ہے کتنے فخر سے سینہ حسین کا

یہ حال دیکھ کر تو فرشتے بھی رو دئے

بے شیر قتل ہو گیا پیاسا حسین کا

دونوں جہاں میں ان کی وجاہتؔ نہیں مثال

ثانی نہ آج تک کوئی آیا حسین کا