وہی دو_جہاں میں بلند ہے ترے در جو سر بہ_سجود ہے

وہی دو جہاں میں بلند ہے ترے در جو سر بہ سجود ہے

تری ذات پاک ہے اے خدا دو جہاں کا جس سے وجود ہے

تو علیم ہے تو خبیر ہے تو قدیر ہے تو ظہیر ہے

یہ عمل ہے تیرے ظہور کا کہ زمیں پہ حرک و جمود ہے

ہے کسی کی کوئی مجال کیا تری بندگی سے ہو ہو معترض

نہ جلال میں ہے کمی ترے نہ کرم میں جبر و قیود ہے

نہیں فکر شام و سحر مجھے ہوں خمیدہ سر شب و روز میں

مجھے کار سود و زیاں سے کیا مرا رب جو میرا ودود ہے

تو ثنائے رب میں لکھے گا کیا ارے اے وجاہتؔ بے نوا

ہے وجود ارض ہی ترجماں یہاں ذرہ ذرہ شہود ہے