ہوئی مقبول طیبہ میں دعائے حضرتِ مومن

ہوئی مقبول طیبہ میں دعائے حضرتِ مومن

چھٹی ظلمت بہ فیضانِ ضیائے حضرت مومن

رسول اللہ کی الفت ہے دل میں، لب پہ ذکر اللہ

ہے سیرت مصطفیٰ کی رہنمائے حضرتِ مومن

کہاں روکے سے رکتی ہے کبھی جذبوں کی طغیانی

کوئی دیکھے تو استقلالِ پائے حضرتِ مومن

یمن سے ہاتھ میں لے کر چراغِ دینِ حق آئے

رہی داعیِ دینِ حق صدائے حضرتِ مومن

دعا واصفؔ کی ہے اس کو عطا ہو تقویٰ مومن کا

مثالی ہے جہاں میں اتقائے حضرتِ مومن