bartar qiyaas-o-fikr se hai 'etilaa-e-Gaus

bartar qiyaas-o-fikr se hai 'etilaa-e-Gaus

phir chhoTe mu.nh se kaise bayaa.n ho suniye Gaus

taariikiyo.n kaa us se guzar ho muhaal hai

raushan hai kahf ziist me.n sham.a vilaa-e-Gaus

un ke hisaar-e-lutf-o-karam me.n vo aa gayaa

jis shaKHs ko bhii apnaa sanaa-KHvaa.n banaa.e Gaus

ai aashiqaan-e-Gaus karo naaz baKHt par

saaya kunaa.n hai tum pe lo ai ataa-e-Gaus

chun lo tava.ngarii ke sadaf tum bhii muflisho

KHvaahaa.n hai Gota-KHoro.n kaa bahr-e-ataa-e-Gaus

jis kii ziyaa se raah-e-tasavvuf hai nuur-baar

mishkaat ma.arifat me.n diye vo jalaa.e Gaus

diigar kisii laqab se mulaqqab na kiijiye

kaafii hai mere vaaste adnaa gadaa-e-Gaus

terii navaazishaat ne girne nahii.n diyaa

jab jab jahaa.n bhii mere qadam Dagmagaa.e Gaus

vo sarzamiin-e-ma.adin-e-KHair-e-kasiir hai

jis kHitta-e-zamiin pe tashriif laa.e Gaus

nazro.n me.n jis ke aap kaa darbaar ho basaa

duniyaa kaa husn kaise use phir lubhaa.e Gaus

'vaasif' ba.De hii naaz-o-tafaakHur kii baat hai

kumba qabiila dil se hai teraa fida.e Gaus

bartar qiyaas-o-fikr se hai 'etilaa-e-Gaus

phir chhoTe mu.nh se kaise bayaa.n ho suniye Gaus

taariikiyo.n kaa us se guzar ho muhaal hai

raushan hai kahf ziist me.n sham.a vilaa-e-Gaus

un ke hisaar-e-lutf-o-karam me.n vo aa gayaa

jis shaKHs ko bhii apnaa sanaa-KHvaa.n banaa.e Gaus

ai aashiqaan-e-Gaus karo naaz baKHt par

saaya kunaa.n hai tum pe lo ai ataa-e-Gaus

chun lo tava.ngarii ke sadaf tum bhii muflisho

KHvaahaa.n hai Gota-KHoro.n kaa bahr-e-ataa-e-Gaus

jis kii ziyaa se raah-e-tasavvuf hai nuur-baar

mishkaat ma.arifat me.n diye vo jalaa.e Gaus

diigar kisii laqab se mulaqqab na kiijiye

kaafii hai mere vaaste adnaa gadaa-e-Gaus

terii navaazishaat ne girne nahii.n diyaa

jab jab jahaa.n bhii mere qadam Dagmagaa.e Gaus

vo sarzamiin-e-ma.adin-e-KHair-e-kasiir hai

jis kHitta-e-zamiin pe tashriif laa.e Gaus

nazro.n me.n jis ke aap kaa darbaar ho basaa

duniyaa kaa husn kaise use phir lubhaa.e Gaus

'vaasif' ba.De hii naaz-o-tafaakHur kii baat hai

kumba qabiila dil se hai teraa fida.e Gaus