اے نظام الدین تو حسن یقین شیخ سعد

اے نظام الدین تو حسن یقین شیخ سعد

آفتاب میر میرن جانشین شیخ سعد

در حقیقت شیخ کی ہر رنگ میں تصویر تھا

جس سے دنیا محو حیرت تھی تو وہ تنویر تھا

تیری ہر اک سانس میں اے رونقِ بزمِ وطن

علم کا چشمہ تھا عرفاں کا سمندر مؤجزن

فقیر تیرا بایزیدی فقر سے تھا متصل

تیرے دستور العمل سے ہر عمل خود پر خجل

بار اولادوں کالے کر تو نے اپنے دوش پر

طے کیا فاقوں کے عالم میں طریقت کا سفر

وہ ریاضت جس پہ ابراہی ادہم کا گمان

وہ عبادت جس پہ نازاں قدسیوں کی داستاں

قطبیت کا بار وہ فتووں کا حل وہ درس دیں

یادِ حق سیرِ معارف آفریں صد آفریں

ہر ارادت مند کی عقدہ کشائی اک طرف

بینوا مجبور کی حاجت روائی اک طرف

طالبانِ حق کے وہ صدہا خطوطوں کے جواب

خانگی ماحول میں وہ دانے دانے کا حساب