دیارِ پاک خیرالامم یاد آیا
دیارِ پاک خیرالامم یاد آیا
بہت کچھ خدا کی قسم یاد آیا
کٹی زندگی یوں فراقِ نبی میں
مٹا ایک غم ایک غم یاد آیا
عرب جس کے بس میں عجم جس کا قیدی
تری زلف کا وہ بھی خم یاد آیا
معطّر معنبر منّور منّور
سبکسارِ بابِ کرم ّیاد آیا
ہوا سدۃ المنتیٰ جس پہ نازاں
وہی محترم محتشم یاد آیا
لبوں پر تبسم نے کروٹ سی بدلی
خدا جانے کیا شامِ غم ّیاد آیا
تجھے ناز میں دیکھ کر ماہِ کامل
بہت ان کا نقشِ قدم یاد آیا
کسی کے تصور نے بھی رنگ بدلا
مقدر کا طرفہ ستم یاد آیا
پکارا جہنم نے ہنس کر جو واصفؔ
مجھے وہ سراپا کرم یاد آیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
