دل کو یادِ زلفِ پیچان رسول

دل کو یادِ زلفِ پیچان رسول

آنکھ کو ارمانِ مژگان رسول

نذر تو پہلے ہی دل کو کر چکے

جان بھی کر دیں گے قربان رسول

دیکھیں کب تشریف لاتے ہیں حضور

منتظر سب ہیں غلامان رسول

سر سے چلتا جاؤں گا طیبہ کو میں

گر ہو میرے حق میں فرمانِ رسول

دو جہاں ہیں آپ ہی کے واسطے

بس سمجھ لو جان لو شانِ رسول

عاصیوں کی حشر میں بن آئے گی

جاری جس دم ہوگا فرمانِ رسول

ہے جگر صدقہ تصدق مال و ذر

دل فدا ہے جان قربانِ رسول

ہے یہی ارماں کہ وقت آخری

سامنے ہو روئے تابانِ رسول

ہے یہ حاذقؔ کی دعا روزِ جزا

ہاتھ میں اس کے ہو دامانِ رسول