ہر چیز سے آتی ہے صدا کان میں اللہ

ہر چیز سے آتی ہے صدا کان میں اللہ

ہے دل میں مرے اور مری جان میں اللہ

شہ رگ سے وہ نزدیک ہے یہ میں نہیں کہتا

یہ بات تو فرماتا ہے قرآن میں اللہ

ہو چشم بصیرت تو نظر آئے گا ہر سوا

ہر رنگ میں ہر روپ میں ہر شان میں اللہ

دل میں نہ رہے میرے کوئی اور تمنا

باقی رہے ہر آرزو ارمان میں اللہ

سمجھوں نہ کچھ آئے مجھے دیوانگی ایسی

رہ جائے سمجھ میں مری پہچان میں اللہ

در اصل وہی ہے مری ہر آرزوئے دل

ہے حاصل ارمان مرے ایقان میں اللہ

ہم کو تو نظر اس کے سوا کچھ نہیں آتا

گلشن میں ہے اللہ بیابان میں اللہ

سوتے میں بھی بھولوں تجھے اے مرے اللہ

جاری ہو زباں پر مری ہر آن میں اللہ

عرفانِ نظر ہو تو نظر آئے گا حاذقؔ

ہر شعر کے اندر مرے دیوان میں اللہ