گنجینۂ عرفاں یہ مرا سینہ بنا ہے

گنجینۂ عرفاں یہ مرا سینہ بنا ہے

عشقِ شہ کونین مرے دل میں بھرا ہے

اے دل تجھے کس بات سے یارانہ ہوا ہے

اپنوں سے پرایوں سے جو بے گانہ ہوا ہے

کیوں غنچۂ دل آج شگفتہ ہے ہمارا

کیا گلشن طیبہ سے ادھر آتی ہوا ہے

اخلاق میں خوبی میں سخاوت میں کرم میں

کب کوئی، نبی آپ سا دنیا میں ہوا ہے

یا رب مجھے پہنچا دے مدینہ کے چمن میں

یہ طائر دل اس گل طیبہ پہ فدا ہے

جو آپ کا مردود ہے مردود خدا کا

جو آپ کا محبوب ہے محبوب خدا ہے

شاہوں کو قدم بوسی کی خواہش نہ ہو کیوں کر

حاذقؔ جسے کہتے ہیں وہ حضرت کا گدا ہے