دکھا دیجیے نبی کا روئے زیبا ہم بھی دیکھیں گے

دکھا دیجیے نبی کا روئے زیبا ہم بھی دیکھیں گے

ہم اپنے خواجۂ عالم کو خواجہ ہم بھی دیکھیں گے

وہ صحرا اپنے لیلائے عرب کا ہم بھی دیکھیں گے

دلِ مجنوں کو تڑپا کر تماشہ ہم بھی دیکھیں گے

ملیں گے اس سے ہم یا جان دے دیں گے یہ ٹھانی ہے

جو کچھ ہوگا محبت کا تماشہ ہم بھی دیکھیں گے

نہ خو ہی آتے جاتے ہیں نہ وہ ہم کو بلاتے ہیں

کہاں تک دیتے ہیں ہم کو دلاسا ہم بھی دیکھیں گے

سنا کرتے ہیں یکتا ہے وہ ہر اک حسن و خوبی میں

کہیں مل جائے گر اس کا سراپا ہم بھی دیکھیں گے

دلِ بیتاب کو دیں گے تسلی قصہ خوانی سے

ادھر لاؤ ذرا یوسف زلیخا ہم بھی دیکھیں گے

کسی دن تو کبھی دیکھ ہی لیں گے انہیں حاذقؔ

کہاں تک کرتے ہیں وہ ہم سے پردہ ہم بھی دیکھیں گے