مدینہ رشک جنت ہے نبی کی خاص بستی ہے

مدینہ رشک جنت ہے نبی کی خاص بستی ہے

وہاں کے رہنے والوں پر سدا رحمت برستی ہے

دکھا دے یا خدا صبح مدینہ جان ترستی ہے

شب فرقت دکن میں مجھ کو ناگن بن کے ڈستی ہے

نہ کیوں تھرا اٹھیں شاہان عالم دیکھ کر مجھ کو

میری آنکھوں میں حبّ ساقی کوثر کی مستی ہے

نکل جائے گا سب افلاس عصیاں تم چلو جلدی

بہت جنسِ شفاعت ان دنوں طیبہ میں سستی ہے

فنا کے پردے میں دیکھو بقا مستور ہے حاذقؔ

جو ہستی نیستی ہو جائے تو پھر عین ہستی ہے