آنکھو میں میری صورت پیران پیر ہے

آنکھو میں میری صورت پیران پیر ہے

دل میں مرے محبتِ پیرانِ پیر ہے

خالی گیا نہ چور بھی در سے حضور کے

دیکھو تو کیا سخاوتِ پیرانِ پیر ہے

ظاہر ہے لیس جسمی سے شانِ محمدی

صورت نبی کی صورت پیران پیر ہے

تھراتے ہیں فرشتے بھی کیا نامِ غوث ہے

افلاک پر بھی ہیبتِ پیران پیر ہے

ایسا فنا ہوں آپ میں یا شاہِ اؤلیا

سب بولتے ہیں صورت پیرانِ پیر ہے

آیا جو سیدھی راہ پر مجھ سا گناہگار

یہ بھی تو اک کرامتِ پیرانِ پیر ہے

حاذقؔ کو خوف کچھ نہیں دونوں جہان میں

کافی اسے حمایتِ پیران پیر ہے