یہ روئے_انور یہ خوئے_زیبا جمال ایسا کمال ایسا

یہ روئے انور یہ خوئے زیبا جمال ایسا کمال ایسا

خدا کی قدرت کا ہے کرشمہ جمال ایسا کمال ایسا

کہیں نہ دیکھا کہیں نہ پایا جمال ایسا کمال ایسا

دکھائے کوئی اگر ہو دعوی جمال ایسا کمال ایسا

یہ رنگ جلوت یہ کیف خلوت یہ جامعیت خدا کی قدرت

یہ علم و حکمت یہ زہد و تقویٰ جمال ایسا کمال ایسا

جہاں سارا تو چھان مارا بتاؤ انصاف سے خدا را

کہیں بھی اے مہر و ماہ دیکھا جمال ایسا کمال ایسا

بھلا وہ سمجھے تو کیسے سمجھے بھلا وہ جانے تو کیسے جانے

جو قلب اور عقل کا ہو اندھا جمال ایسا کمال ایسا