کہاں ہے ہند میں پیدا معین الدین کے جیسا
دلچسپ معلومات
منقبت در شان غریب نواز خواجہ معین الدین چشتی (اجمیر-راجستھان)
کہاں ہے ہند میں پیدا معین الدین کے جیسا
ہماری ہادی و مولا معین الدین کے جیسا
نہیں جاتا سوالی آپ کی سرکار سے خالی
کوئی ایسا نہیں داتا معین الدین کے جیسا
لٹایا آپ نے گھر راہ خالق میں خوشی ہو کر
سخی کوئی نہیں دیکھا معین الدین کے جیسا
یہاں سے روم تک ملک عرب میں لوگ ہو آئے
نہیں روضہ کہیں پایا معین الدین کے جیسا
ولی یوں تو ہزاروں ہند میں پیدا ہوئے لیکن
خطاب ایسا ہوا کس کا معین الدین کے جیسا
تبرک بھی بہت کچھ ہیں ہر اک دربار سے جاری
مگر لنگر نہیں دیکھا معین الدین کے جیسا
فرشتے کیا ولی کرتے ہیں باہم ذکر آپس میں
نہیں دیکھا نہیں دیکھا معین الدین کے جیسا
کھلی ہے آنکھ جس کے دل کی وہ ہر بار کہتا ہے
بہت دیکھا نہیں پایا معین الدین کے جیسا
بتاؤں ضبطاؔب فریاد دل کس سے کرے جا کر
سنی ہے کب کوئی دکھڑا معین الدین کے جیسا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
