محمد اولیں تخلیق یعنی
محمد اولیں تخلیق یعنی
محمد آخریں تصدیق یعنی
محمد مصطفیٰ متنِ نبوت
ہیں باقی انبیا تعلیق یعنی
وہی خالق کے محبوب و محب بھی
وہ جن کی خلق میں تشویق یعنی
واشرقت الارض بنورک
حرا سے پھیلتی تشریق یعنی
وہ جتنے بھی صحیفے آ چکے تھے
وہ سب میں آخری تطبیق یعنی
ہوئے مکشوف جس سے سب حقائق
دقائق کی کھلی تدقیق یعنی
وہی حق کی علامت ہے حقیقی
اسی سے کفر کی تفریق یعنی
جسے انکار تیرا اور رب کا
وہی کافر وہی زندیق یعنی
تری ہر بات ٹھہری ہے محقق
کوئی بھی کر سکے تحقیق یعنی
کرے ہر دور کی حکمت فراست
تری ہر بات کی توثیق یعنی
رہے تا عمر تیری نعت کہتا
رہے نوریؔ کو یہ تو فیق یعنی
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
