مہکے تمہاری یاد سے یوں قریۂ وجود
مہکے تمہاری یاد سے یوں قریۂ وجود
سانسیں پڑھیں سلام پڑھیں دھڑکنیں درود
شاخِ خیالِ شوق پہ ہو دید کا ثمر
یوں کشتِ جاں میں نخلِ تمنا کی ہو نمود
چہرہ ہو سمتِ کعبہ تو دل ہو تری طرف
کیف و سرور و نور میں ڈوبے رہیں سجود
عقل و دل و نگاہ کروں فرشِ راہ میں
میرے خیامِ عجز میں گر ہو ترا ورود
جاری ہیں کائنات میں تجھ سے محبتیں
تو مصدرِ سلام ہے اے مظہرِ ودود
دھومیں مچی ہیں شاہ ترے نامِ پاک کی
ہر ایک پڑھ رہا ہے تری ذات پر درود
موسیٰ سے تھی کلام کے عز و شرف کی بات
تیرے لیے تھا شاہد و مشہود کا شہود
مقصو دِ نعت نوریؔ ہے مقصودِ جاں کے نام
سانسیں پڑھیں سلام پڑھیں دھڑ کنیں درود
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
