نعت کا اہتمام بسم اللّٰہ
نعت کا اہتمام بسم اللہ
نعت ہو صبح و شام بسم اللہ
حمد اور نعت سے کریں آغاز
پھر ہو کوئی کلام بسم اللہ
حمد بے حد خدائے واحد کی
نعتِ خیرالانام بسم اللہ
دل بناؤ ذرا حرا صورت
اترے مدحِ دوام بسم اللہ
دل کی دھڑکن درود سے مہکے
ہو لبوں پر سلام بسم اللہ
کیجیے فرشِ راہ آنکھوں کو
ہوں وہ محوِ خرام بسم اللہ
دل کے آنگن میں آئیں ماہِ عرب
من کے چمکیں خیام بسم اللہ
بزمِ ہستی انہی سے ہے رخشاں
مٹ گئے ہیں ظلام بسم اللہ
نعت لکھتے ہیں نعت پڑھتے ہیں
لب پہ ہے ان کا نام بسم اللہ
نعت مستو چلو سکوں بانٹیں
دکھ کا بدلے نظام بسم اللہ
نفرتوں کے دیار میں ہو عام
الفتوں کا پیام بسم اللہ
امتِ مسلمہ ہے زارو زبوں
جاگیں تیرے غلام بسم اللہ
خلقِ آقا کی روشنی میں ظفرؔ
دیں کی دعوت ہو عام بسم اللہ
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
