ہر گھڑی میرے لب پر ہو نام آپ کا
ہر گھڑی میرے لب پر ہو نام آپ کا
ذکر کرتا رہوں صبح و شام آپ کا
جان و دل سے غلام اس کی دنیا ہوئی
جان و دل سے ہوا جو غلام آپ کا
میری آنکھوں میں ہیں آپ جلوہ فگن
میرے دل میں ہے ہر دم قیام آپ کا
کھل گئے اس پہ فطرت کے اسرار سب
سن لیا جس نے دل سے کلام آپ کا
آرزو ہے یہی وقت آخر ظفرؔ
یاد دل میں ہو لب پر ہو نام آپ کا
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
