محمد تم ہو احمد تم جہاں بھر کی تمنا ہو

محمد تم ہو احمد تم جہاں بھر کی تمنا ہو

غریبوں کے جو ملجا ہو غلاموں کے تم آقا ہو

خدا کے مسلمِ اول شریکِ لطف اسریٰ ہو

انیس بزمِ قدوسی خلیل ذات مولیٰ ہو

لوائے احمد کے حامل رفعنا ذکر کے شاہد

جو ممدوح ملائک ہو تو محبوب زمانا ہو

تقرب قاب قوسین تجلی کا تمہیں حاصل

حبیب کبریا ہو تاجدار عرشِ اعلا ہو

تمہارا جسم طٰہ، روح یٰسیں اور لقب رحمت

بہ ظاہر کملی والے ہو، بہ باطن نورِ بطحا ہو

ہدایت کے امیں ہو کر سعادت کے مکیں بن کر

سراجِ دو جہاں ہو دو جہاں میں جلوہ فرما ہو

غبارِ راہ بن جاؤں مدینہ جانے والوں کا

جہاں میں خاک کا سر آسمانوں سے بھی اونچا ہو

صبا لے جائیو پیغام میرا ان کی خدمت میں

ادب سے پھر یہ کہنا تاجؔ پر بھی لطف آقا ہو