نور ہی نور چھایا ہے چاروں طرف کس قدر خوش نما آج کی رات ہے

نور ہی نور چھایا ہے چاروں طرف کس قدر خوش نما آج کی رات ہے

دھوم ہے فرش سے تا بعرشِ علیٰ جشنِ معراج کا آج کی رات ہے

اللہ اللہ حسن و جمال نبی نہ ہوا کوئی ایسا نہ ہوگا کبھی

جس کا مشتاق ہے خود خدائے غنی وہی جلوہ نما آج کی رات ہے

انبیا کہہ رہے ہیں انہیں مرحبا ہر فرشتے کے لب پر ہے صل علی

بولیں حوریں کہ یہ پیارا اللہ کا کیسا دولہا بنا آج کی رات ہے

دھوم اسریٰ میں ہے عیدِ معراج کی وہ امام اور سارے نبی مقتدی

بعد سب کے جو آیا ہمارا نبی اب وہی مقتدیٰ آج کی رات ہے

سرفرازِ جمالِ الٰہی ہوا راز دار و امین فاوحیٰ ہوا

مسندِ آرائے عرشِ معلیٰ ہوا سیدالانبیا آج کی رات ہے