کبھی مدینہ کا یا_رب مرا سفر ہو جائے

کبھی مدینہ کا یا رب مرا سفر ہو جائے

کہ دعوی عشق محمدؐ کا معتبر ہو جائے

در رسول ہو اور ہو مری جبین نیاز

زہے نصیب مرے کاش یوں اگر ہو جائے

رہے جو یاد تو بس نام مصطفیٰ یارب

ہر ایک چیز سے دل میرا بے خبر ہو جائے

ہو شام کعبہ میں اور صبح ہو مدینہ میں

کرم کی مجھ پہ اگر آپ کی نظر ہو جائے

خدا کرے کہ نہ لوٹوں میں اب مدینہ سے

کہ زندگی ہے جو باقی یہیں بسر ہو جائے

بلائیں جلد یہی آرزوئے حسرت ہے

کہیں نہ ختم مری عمر مختصر ہو جائے