قبضہ میں ہے ہندوستان یا خواجہ ہندالولی

قبضہ میں ہے ہندوستان یا خواجہ ہندالولی

تم ہو شہنشاہ جہان یا خواجہ ہندالولی

تم جسم و جاں غارفان یا خواجہ ہندالولی

تم خضر راہ سالکان یا خواجہ ہندالولی

اجمیر میں تم ہو نہاں یا کر لیا دل میں مکاں

ڈھونڈوں تمہیں جا کر کہاں یا خواجہ ہندالولی

کرتے ہیں قدسی دم بدم تیری صفت مل کر بہم

ہو وصف تیرا کیا بیاں خواجہ ہندالولی

عاشق پھرے ہے در بدر للہ اب لیجے خبر

اے چارہ ساز بیکساں یا خواجہ ہندالولی

آ جائے اب روبرو پوری ہو دل کی آرزو

کب تک کروں آہ و فغاں یا خواجہ ہندالولی

پردہ سے لب باہر نکل آوے دل بیکل کو کل

آنکھوں سے کیوں ہے تو نہاں یا خواجہ ہندالولی

برباد مجھ کو کر دیا ناشاد مجھ کو کر دیا

ہے جو کرتا آسماں یا خواجہ ہندالولی

جس کی مجھے ہے آرزو مجھ کو ملے وہ ماہ رو

کب تک رہوں میں نیم جاں یا خواجہ ہندالولی

للہ ہو مجھ کو شفا حاصل ہو دل کا مدعا

میں ہوں مریض ناتواں یا خواجہ ہندالولی

کب تک رہوں میں نوحہ گر کیجے ترحم کی نظر

فیاض تم سا ہے کہاں یا خواجہ ہندالولی

تاریخ ہے اس دن چھٹی ہے عرس حضرت گھڑی

سب خلق ہے حاضر یہاں یا خواجہ ہندالولی

بیتاب ہے زورؔ حزیں تسکین اپنی ہوتی نہیں

پھر ہے دوبارہ مدح خواں یا خواجہ ہندالولی