بود مردے عارف و صاحب کمال

ایک مرد عارف اور صاحبِ کمال تھا

دل کے کوچے کو وہم اور خیال کی طرف سے بند کئے ہوئے تھے

دل کی ولایت میں بادشاہت کرتا تھا

غفلت کے زمانے سے شرمندہ تھا

برسوں بے ریا عبادت کی تھی

خدا کے ذکر کے سوا کچھ اس کے دل میں نہ گذرتا تھا

جب اس کو اس طرح پر بہت سے برس گذرے

تو اس نے اپنے آپ کو کاملوں میں سے خیال کیا

کہنے لگا کہ میرے برابر کوئی جہاں میں کامل نہیں ہے

کوتوال کی طرح میں اپنے دل کا نگہبان ہوں

شہوت اور حرص اور ہوس کو ہم نے دور کیا ہے

دنیا کے علاقوں سے میرا دل نفرت رکھتا ہے

جب اس مرد خدا نے یہ خیال کیا

یکبارگی اس کے کان میں یہ آواز آئی

جب کہ تو نے غرور سے اپنے میں نظر کی

تو ہم سے دور جا پڑا اور تیرے آگے پردہ آن پڑا

جب تک کہ تجھ سے وہ پردہ دور نہ ہوگا

اس عظیم القدر بارگاہ کی چار دیوار ی میں قدم نہ رکھنے پائے گا

یہ سن کر شیخ اپنے خیال سے شرمندہ ہوا

پریشان ہوا اور اپنے کام سے توبہ کی

پھر نیا عہد و پیمان خدا کے ساتھ باندھا

تاکہ خدا کی راہ میں جان کو فدا کرے

دل کے آئینے کو غبار سے صاف کر

تاکہ اس محبوب کے رخ کا عکس نظر آوے

اے مکار جس چیز کا کہ تیرا دل خواہاں ہوتا ہے

تیرا نفس سو حجتیں تیرے لئے لاتا ہے

اگر چہ وہ حرام ہے تو اپنے لئے حلال کرتا ہے

تیرے دل کو سو خیالوں سے تسکین حاصل ہوتی ہے

جب کہ یہ مرض تجھ پر غالب ہوجائے گا

تیرا عدل اور انصاف غرض سے خالی نہ ہوگا

کوشش کر نفس کے ساتھ کہ جس سے تو عادل ہو

منصفی کر کہ جس سے تو صاحب دل ہو

یا الہی چشم بینا مجھ کو دے

میرے سر میں عشق کا سودا دے

میرے دل میں طور کی طرح آگ ڈال

کہ شعلہ اٹھے اور مورچہ دور ہوجائے

برسوں ہوگئی کہ تجھ سے تجھ کو چاہتا ہوں

تو میری حاجت کو کیوں روا نہیں کرتا

غیبی زبان سے یہ خوش خبری مل رہی ہے

کہ تیرے دروازے سے کوئی نا امید نہیں پھرا ہے

جو کہ تیری بارگاہ کی طرف رخ لائے گا

نا امید تیری درگاہ سے کیوں جائے گا

جو کہ تیرے در پر امیدوار بن کر آتا ہے

مقصود کا معشوق آغوش میں پاتا ہے

اے میرے خدا بطفیل حضرت محمد مصطفیٰ کے

اور بطفیل حرمت آل عبا کے