ہم در بیان مکر خرگوش

یہ بیان بھی خرگوش کی چالاکی اور اُس کا شیر کے سامنے دیر سےجانے کا ہے

خرگوش نے جانے میں بہت دیر کی

اور اپنی حیلہ سازی کو ثابت کیا

بہت دیر کے بعد راستہ پر پڑا

تا کہ شیر کے کان میں ایک دو راز کہے

دیکھ! عقل کے فکر میں کا عالم ہیں

دیکھ! یہ عقل کا دریا کسقدر وسیع ہے

ہماری صورتیں اِس شیریں سمندر میں

اِس طرح دوڑ رہی ہیں جس طرح پانی کی سطح پر

جب تک بھرا نہیں ، طشت دریا کے اوپر ہے

جب طشت بھرا اس میں غرق ہوا

عقل مستور ہے اور عالَم ظاہر ہے

ہماری صورت موج یا اُس کی نمی ہے

جو موجود (متعین) ہے صورت اُسکو وسیلہ بنا لیتی ہے

اُس وسیلہ کی وجہ سے سمندر اُسکو دور پھینکدیتا ہے

جب تک دل ، راز عطا کرنیوالے کو نہ دیکھ لے

جب تک کہ تیر، دور سے پھینکنے والے کو نہ دیکھ لے

اپنے گھوڑے کو گم شدہ سمجھتا ہے

اور جھگڑے کی وجہ سے اپنے گھوڑے کو تیز دوڑاتا ہے

وہ جوانمرد، اپنے گھوڑے کو گم شدہ سمجھتا ہے

اور گھوڑا اس کو ہوا کی طرح اڑائے لئے جا رہا ہے

وہ حیران فریاد اور جستجو میں ہے

ہر جانب پوچھنے والا اور دربدر تلاش کرنیوالا ہے

جس شخص نے ہمارا گھوڑا چرایا ہے کہاں ہے کون ہے؟

اے صاحب! یہ جو آپ کی ران تلے ہے یہ کیا ہے

ہاں، یہ گھوڑا ہے، لیکن وہ گھوڑا کہاں ہے؟

اے گھوڑے کی جستجو کرنیوالے شہسوار! ہوش میں آ

جان ، نمایاں اور قریب ہونیکی وجہ سے گم ہے

جس طرح مٹکا پانی سے بھرا ہو اور کنارے خشک ہوں

تو سرخ اور سبز اور گلابی کو کب دیکھ سکے گا؟

جب تک ان تین سے پہلے، نور کو نہ دیکھ لیگا

لیکن چونکہ تیرے ہوش رنگ میں گم ہو گئے ہیں

تو وہ رنگ، نور کی وجہ سے تیرے رو پوش بن گئے ہیں

چونکہ وہ رنگ رات کو چھپے ہوئے تھے

لہٰذا تونے دیکھ لیا رنگ کا دیکھنا نور کی وجہ سے تھا

رنگ کا دیکھنا بیرونی روشنی کے بغیر نہیں ہوتا

یہی حال اندرونی خیال کے رنگ کا ہے

یہ باہر کی روشنی آفتاب اور سُہا کی وجہ سے ہے

وہ باطنی روشنی عالَمِ بالا کے اَنوار کے عکس سے ہے

خود بینائی کا نور، دل کا نور ہے

بینائی کا نور دلوں کے نور سے حاصل ہوتا ہے

پھر دل کی بَصیرت کا نور خدا کا نور ہے

جو عقل اور حس کے نور سے پاک اور جدا ہے

رات کو نور نہ تھا اور تونے رنگ نہ دیکھا

پس ضد (شب کی تاریکی) کی وجہ وہ نور نمایاں ہو گیا

پہلے نور کا نظر آنا ہے پھر رنگ کا دیکھنا

اور اُس کو تو نور کی ضد سے بغیر تاخیر سمجھتا ہے

اللہ تعالیٰ نے رنج کو اِس لئے پیدا فرمایا ہے

تاکہ اِس ضد سے خوشدلی واضح ہو جائے

پس پوشیدہ چیزیں ضد سے واضح ہوتی ہیں

اللہ تعالیٰ کی چونکہ کوئی ضد نہیں ہے وہ پوشیدہ ہے

کیونکہ نور پر نظر تھی پھر رنگ پر ایک مقابل

دوسرے مقابل سے واضح ہوتا ہے جیسے رومی اور حبشی

پس نور کی ضد سے تو نور کو پہچانا

ضد، ضد کو سینوں میں واضح کر دیتی ہے

اللہ کے نور کی بھی ضد وجود میں نہیں ہے

تاکہ ضد سے اُسکو پہچانا جا سکے

یقیناً ہماری نگاہیں اُس کا ادراک نہیں کر سکتیں

اور وہ ادراک کر لیتا ہے، حضرت موسیٰ اور پہاڑ کے قصّہ کو دیا مکھ

صورت کی نسبت معنیٰ سے ایسی ہے،

جیسے شیر کی نسبت کچھار سے یا جیسے بات اور آواز کی نسبت خیال سے ہے

یہ بات اور آواز خیال سے پیدا ہوئی

تجھے یہ معلوم بھی نہیں کہ خیال کا سمندر کہاں ہے؟

لیکن جب تونے بات کی موج کو پاکیزہ پایا

اُس کے سمندر کے متعلّق بھی تونے سمجھ لیا کہ وہ بھی شاندار ہوگا

جب عقل سے خیال کی موج اٹھی

اُس نے بات اور آواز کی صورت اختیار کر لی

بات سے صورت پیدا ہوئی اور پھر مر گئی

موج اپنے آپ کو پھر سمندر میں لے گئی

صورت ایک بے صورت سے پیدا ہوئی

پھر لوٹ گئی کہ ہم اُسی طرف لوٹنے والے ہیں

پس تیرے لئے ہرلحظہ موت اور واپسی ہے

آنحضور (صلی اللہ علیہ وسلّم) نے فرمایا دنیا ایک گھڑی (وقت) ہے

ہمارا خیال ایک تیر ہے جو اللہ کی جانب سے ہوا میں ہے

ہوا میں کب تک ٹہرے؟ خدا کی طرف لوٹتا ہے

ہر دم دنیا نئی ہو جاتی ہے، اور ہم

زندگی میں اُس کے نئے ہونے سے بے خبر ہیں

نہر کی طرح (تیری) عمر نئی نئی آتی رہتی ہے

جو جسم میں لگاتا نظر آتی ہے

تیزی کی وجہ سے وہ لگاتار شکل بنی ہے

اُس انگارے کی طرح جس کو تو ہاتھ سے تیز گھمائے

اگر تو جلتی لکڑی کو کوشش سے گھمائے

تو وہ بہت لمبی آگ نظر آئے گی

ایجاد کی تیزی سے یہ بقاء کا طول

اللہ تعالیٰ کی ایجاد کی تیزی کو ظاہر کرتا ہے

اِس راز کا طالب اگر کوئی علّامہ ہے

اب حسام الدین ہے، جو متبرّک کتاب ہے