چمن میں سوجیوں سروِ شمشاد ہیں

چمن میں سو جیوں سروِ شمشاد ہیں

فقیروں منے یونچہ آزاد ہیں

فقیری پہ قائم ہیں اور مستقیم

امر جیوں کیے ہیں نبی الکریم

اللہ کو او دنیا نچہ میں دیکھتے

دو دیکھے ہیں تو ایک کر لیکھتے

امر ہے خدا کا تو دنیا میں دیکھ

میں پھرتا ہوں اکثر فقیروں کے بھیک

میں پھرتا ہوں عالم میں جیوں ہے قمر

سو جیوں چودویں رات دستا چندر

عبادت او باطن میں کرتے مدام

سدا صوم باطن میں دھرتے مدام

زباں سوں تو وہ ذکر جلی کریں

او دل میں صدا اپنے قلبی دھریں

خفی حال دائم ہے ان پر مدام

فقیری دِسے نت انو پر تمام

سفر دیکھ ظاہر تو بیٹھے ہیں او

ولے سیر باطن میں کرتے ہیں او

بجز ان کو رویت تو کچھ کام نئیں

بجز حق کو دیکھے کے آرام نئیں

نفی سات ہستیوں کی کرتے ہیں او

بقا ایک ہستی سوں رہتے ہیں او

سدا چار تن او ہوکر شہید

کتے حق سوں پاتے ہیں خلعت جدید

موذی پانچ رہتے ہیں تن میں کبل

اول ان کو کرنا کتے ہیں قتل

پچھیں شش جہت سوں نکلتے ہیں بھار

شہادت کے دریا سوں ہوتے ہیں پار

کتے چھیج غفلت ہیں انسان میں

ضرر اوچہ دیتے ہیں ایمان میں

اسے دور کرتے سوچو سار ہیں

اوسے دور کرتے سو اے یار ہیں

امارے کو دل میں سوں کرتے ہیں دور

ہوا خمس کو مار کرتے ہیں چور

جواہر کتے پانچ ہیں بے بدل

جتن خوب رکھتے ہیں ان کو اول

بڑے مرد یارے یو آزاد ہیں

دیکھوں سب سوں نیارے یو آزاد ہیں

سدا وہاں انو کا کتے سیر ہے

سدا وہاں انو کا دیکھو طیر ہے

وہاں جا کے میں توں سے جاتے گزر

بجز حق کتے واں نہیں کچھ گزر

خدا باج واں کوئی بستا نہیں

خدا باج واں کوئی دستا نہیں

عجائب یو منزل ہے لاہوت کا

وہاں غلغلہ سب ہے یاہوت کا

فقیری عنایت ہدایت سوں ہے

عطا سب کو شاہِ ولایت سوں ہے

فقیری عنایت نبی پر کیا

یہی دلق معراج میں حق دیا

یہی چار منزل عجب راہ راس

اسی رہ سوں آتے ہیں سب چل کے خاص

کتے ہیں نبی کا او فرزند ہے

جو یوں چل کے آتا سو دل بند ہے

اسی رہ سوں آ کے ہوئے ہیں وہ پیر

اسی رہ سوں چلتے ہیں سارے فقیر

تو سب کشف دستا ہے ان پر مدام

علیک الصلوٰۃ و علیک الکلام

دنیا دین سوں کام دھرتے نہیں

کبھی حق کو بے زار کرتے نہیں

دیکھو حق سوں رہتے ہیں کیوں بے نیاز

سدا حق ہے ان سوا میں با نیاز

سر و پا برہنہ او پھرتے ہیں دیکھ

دیکھو گیند کر سر کو دھرتے ہیں دیکھ

دیکھو سر گزشتہ ہیں کیا بے ریا

نہیں کچھ اونو میں دیکھو رو ریا

او جنت سوں کچھ کام دھرتے نہیں

جہنم سوں کچھ باک دھرتے نہیں

بزرگی کو اپنی رکھے عرش پر

دیکھو بھیک منگتے ہیں کیوں در بدر

سدا اپنے باطن میں کرتے سجود

ہمیشہ وہ کرتے تلاوت وجود

دعا بددعا کس کو دیتے نہیں

وہ پونجی ٹکا کس سے لیتے نہیں

اسم با مسما ہے ان پر گدا

دیکھو کیوں وہ رہتے ہیں مفلس سدا

نفی ذات میں ہو کے اثبات ہیں

او آزاد ہیں اور اَن ذات ہیں

ملاتے ہیں او نور کو نور میں

ندی جوں کہ ملتی ہے سمدور میں

خدا سات مل مل کے ہوتے ہیں ایک

اسی کا دیکھو اوچہ لیتے ہیں بھیک

خدا سات ملنے کو یک وقت ہے

نبی نے کہے وقت او سخت ہے

نہ واں کچھ وساطت نہ کس کا گزر

ملائک مقرب نہ مرسل دگر

یہ مردانِ حق کچھ خدا تو نہیں

و لیکن خدا سے جدا بھی نہیں

ہمیشہ وہ قلاش و مفلس رہیں

نہ وہ حال اپنا کسی سے کہیں

نہ وہ علم پڑھتے نحو صرف کا

سدا درس لیتے ہیں من عرف کا