قصۂ دیدن خلیفہ لیلیٰ را

خلیفہ کے لیلیٰ کو دیکھنے کا قصہ

خلیفہ نے لیلیٰ سے کہا کیا تو وہی ہے

کہ تیری وجہ سے مجنوں پریشان اور دیوانہ ہوا ہے

تو دوسرے حسینوں سے بڑھ کر تو نہیں ہے

اس نے کہا خاموشِ رہ چونکہ تو مجنوں نہیں ہے

جو بیدار ہے ، وہ زیادہ نیند (غفلت) میں ہے

اس کی بیداری، نیند سے بدتر ہے

جب ہماری جان خدا کے معاملے میں بیدار نہ ہو

تو ہماری بیداری قید خانے کی بیداری کی طرح ہے

پورے دن جان،خیالات کی پائمال

اور نقصان و نفع اور زوال کے خوف سے

نہ اس میں صفائی رہتی ہے نہ پاکیزگی اور قوت

نہ آسمان کی طرف سفر کا راستہ

سویا ہوا وہ ہے جو ہر خیال سے

امید وابستہ کرے اور اس کے متعلق گفتگو کرے

وہ خواب میں شیطان کو حور دیکھتا ہے

پھر شہوت سے اس ہم بستری کرتا ہے

جیسے ہی نسل کا بیج اس نے شور زمین میں ڈالا

وہ بیدار ہوا اور خیال اس سے روانہ ہوا

اس کی وجہ سے سر کی کمزوری محسوس کرتا ہے اور جسم پلید

اس ظاہری اور معدوم نقش پر افسوس ہے

پرندہ اوپر اڑ رہا ہے اور اس کاسایہ

پرندہ کی طرح زمین پر اڑان کر رہا ہے

بیوقوف، اس سایہ کا شکاری بنتا ہے

اتنا دوڑتا ہے کہ بے طاقت ہو جاتا ہے

اس سے غافل ہے کہ وہ ہوا کے پرندہ کا عکس ہے

اور اس سے بے خبر ہے کہ اس سایہ کی اصل کہاں ہے

وہ سایہ کی طرف تیر اندازی کرتا ہے

(اور) جستجو ہی میں اس کا ترکش خالی ہو جاتا ہے

اس کی عمر کا ترکش خالی ہوا، عمر (برباد) گئی

سایہ کے شکار میں دوڑنے سے جل بھن گیا

جب اللہ کا سایہ اس کی دایہ ہو

تو اس کو سایہ کے خیال سے نجات دے دیگا

خدا کا بندہ اس کا سایہ ہوتا ہے

وہ اس دنیا کا مردہ اور خدا کا زندہ ہوتا ہے

کیف مد الظل اولیاء کا وجود ہے

جو اللہ کے آفتاب کے نور کے رہنما ہیں

اس وادی میں بغیر رہنما کے نہ چل

خلیل اللہ کی طرح کہہ دے میں ڈوب جانے والوں کو پسند نہیں کرتا ہوں

جا، سایہ کے ذریعہ آفتاب کو حاصل کر لے

اور شاہ شمس تبریزی کا دامن تھام لے

اس جشن اور شادی کا اگر تجھے راستہ معلوم نہیں ہے

تو ضیاء الحق حسام الدین سے پوچھ لے

اس لئے کہ وہ حسد کی وجہ سے آدم سے ذلت محسوس کرتا ہے

اور حسد کی وجہ سے نیک بختی سے جنگ کرتا ہے

راستہ میں اس سے سخت گھاٹی نہیں ہے

وہ شخص بڑا خوش نصیب ہے جس کے ساتھ حسد نہیں ہے

یہ جسم حسد کا گھر ہے، سمجھ لے

حسد میں پورا خاندان مبتلا ہو جاتا ہے

اگرچہ جسم حسد کا گھر ہوسکتا ہے ، لیکن

جسم کو اللہ نے خوب پاک کر دیا ہے

تم دونوں میرے گھر کو پاک کرو، پاکی کا بیان ہے

نور کا خزانہ ہے اگرچہ اس کا نقش مٹی کا ہے

جب تو کسی صاف دل کے ساتھ مکر اور حسد کرے گا

تو اس حسد سے دل میں سیاہیاں پیدا ہوں گی

خاصان خدا کے پیر کے نیچے خاک بنجا

ہماری طرح حسد پر مٹی ڈال