ذکر دانش خرگوش و بیان فضیلت و منافع دانش

خرگوش کی عقلمندی کا ذکر اورعقلمندی کی فضیلت اورنفعوں کا بیان

گدہے کے کان فروخت کر دے ، دوسرے کان خرید لے

اس لئے کہ اس بات کو گدہے کے کان نہیں سن سکتے

چل، خرگوش کی چالاکی دیکھ

خرگوش کا مکر اور شیر کو پچھاڑنا ، دیکھ

علم، حضرت سلیمان ؑ کے ملک کی انگوٹھی ہے

تمام دنیا صورت ، اور علمِ جان ہے

اس ہنر کی وجہ سے آدمی کے لئے فرماں بردار ہوگئی ہے

پہاڑ ، جنگل اور دریا کی مخلوق

اس سے تیندوا اور شیر بھی ، چوہے کی طرح خوفزدہ ہیں

اس سے وحشی جانور ،جنگل اور پہاڑ میں چھپ گئے

اس سے پری اور دیو نے سمندر کا کنارہ پکڑا

ہر ایک نے پوشیدہ مقام میں جگہ بنا لی

آدمی کے چھپے ہوئے دشمن بہت ہیں

محتاط آدمی ، سمجھدار انسان ہے

اچھی اور بری مخلوق ہم سے چھپی ہوئی موجود ہے

ان کی چوٹ ہر وقت دل پر لگتی ہے

تو اگر نہر میں غسل کے لئے جائے گا

تو کانٹا، پانی میں تجھے تکلیف پہنچائے گا

اگرچہ کانٹا پانی کے نیچے چھپا ہوا ہے

چونکہ تیرے چبھا ہے تو جانتا ہے کہ موجود ہے

حواس اور وسوسہ کے کانٹے

ہزاروں اشخاص کی جانب سے ہیں نہ کہ ایک شخص کی( جانب سے )

ٹھہر، تاکہ تیرے حواس تبدیل ہو جائیں

تاکہ تو ان کو دیکھ لے اور مشکل حل ہو جائے