رجوع بہ حکایت خواجۂ تاجر

خواجہ سودا گر کی حکایت کی طرف رجوع

یہ قصّہ دراز ہے اے صاحب! بتائیے

اُس نیک مرد کے کیا احوال ہوئے؟

خواجہ آگ اور درد اور رونے کی حالت میں

اِسی طرح کی سینکڑوں بہکی بہکی باتیں کر رہا تھا

کبھی متضاد باتیں، کبھی ناز اور کبھی نیاز

کبھی حقیقی پاگل پن اور کبھی بناوٹی

ڈوبنے والا، جان توڑتا ہے

ہر تنکے پر ہاتھ مارتا ہے

تاکہ خطرے میں اُس کی کوئی دستگیری کرے

سر کے ڈر سے ہاتھ پیر مارتا ہے

اس پریشان حالی کو دوست پسند کرتا ہے

سونے سے، لا حاصل کوشش بہتر ہے

جو شاہ ہے وہ (بھی) بیکار نہیں ہے

جو بیمار نہیں ہے اُس کی آہ وزاری عجیب بات ہے

اے بیٹا! رحمٰن نے اس لئے فرمایا ہے

اے بیٹا! وہ ہر روز کسی کام میں ہے

اِس راستہ میں کانٹ چھانٹ کرتے رہو

آخری سانس تک کسی وقت خالی نہ رہو

مرتے دم تک کوئی وقت ضرور ہو گا

کہ عنایتِ (خداوندی) تیری ہمزار ہوگی

جو بھی کوشش کرتا ہے، خواہ مرد ہو یا عورت

جان کے مالک کے کان اور آنکھیں جھروکے پر لگی ہیں