مضرت تعظیم خلق و انگشت نماے شدن‌‌

لوگوں کی تعظیم اور شہرت کی مضّرت

جسم، پنجرے کی طرح ہے، اِسی وجہ سے جان کیلئے کانٹا ہے

اندرونی اور بیرونی لوگوں کے مکر کی وجہ سے

یہ اس کو کہتا ہے میں تیرا ہمراز ہوں

اور وہ اُس سے کہتا ہے نہیں میں تمہارا ساتھی ہوں

یہ اُس سے کہتا ہے تجھ جیسا کوئی موجود نہیں ہے

کمال اور فضل اور احسان اور سخاوت میں

وہ اُس سے کہتا ہے دونوں جہاں تیری ملکیت ہیں

ہم سب کی جانیں تیری جان کی طفیلی ہیں

وہ جب لوگوں کو اپنا شیدائی دیکھتا ہے

تکبّر کی وجہ سے آپے سے باہر ہو جاتا ہے

وہ نہیں سمجھتا کہ اُس جیسے ہزاروں کو

شیطان نے نہر کے پانی میں پھینک دیا ہے

دنیا کی مہربانی اور مّکاری مزیدار نوالہ ہے

اُس کو نہ کھا کیونکہ وہ آگ بھرا ہے

اُس کی آگ ڈھکی ہوئی ہے اور مزا کھلا ہوا ہے

اُس کا دھواں آخر میں ظاہر ہوتا ہے

تو یہ نہ کہہ خوشامد کا میں کب خریدار ہوں؟

مجھے معلوم ہے وہ لالچ کی وجہ سے کہہ رہا ہے

تیری تعریف کرنے والا، اگر کھلّم کھلّا برائی کرے

اُن سوزشوں سے تیرا دل عرصہ تک جلیگا

اگرچہ تو جانتا ہے کہ اُس نے محروم رہنے کی وجہ سے وہ کہا ہے

کیونکہ وہ لالچ جو اُسکو تجھ سے تھا، نہ ملا

اُس کا اثر تجھ میں رہیگا

تریف میں (بھی) یہ حالت معیار ہے

وہ اثر بھی عرصہ تک باقی رہتا ہے

جو جان کے تکبّر اور دھوکے کا سرمایہ بنتا ہے

تعریف چونکہ میٹھی ہے، اچھی لگتی ہے

برائی چونکہ کڑوی ہے بری لگتی ہے

(وہ بُرائی) مسہل اور گلوی کی طرح ہے جو تو کھاتا ہے

جس کی شورش اور تکلیف دیر تک تجھ میں رہتی ہے

اگر تو حلوا کھائے اُس کا مزا تھوڑی دیر رہتا ہے

اُسکا اثر بھی اُس کے اثر کی طرح پائیدار نہیں ہے

چونکہ (حلوے کا ذائقہ منہ میں) نہیں ٹہرتا ہے چھپا رہتا ہے

ہر ایک ضد کو دوسری ضد سے پہچان لے

چونکہ شکر کی تاثیر پوشیدہ رہتی ہے

چند دن بعد قابلِ نشتر پھوڑا پیدا کر دیتی ہے

نَفْس تعریفوں سے فرعون بن گیا

تو مُنکسِر مزاج خاکسار بن جا، سرداری نہ چاہ

جب تک ہو سکے خادم بن، بادشاہ نہ بن

گیند کی طرح چوٹ بر داشت کرنیوالا بن، بلّا نہ بن

ورنہ جب تیری مہربانی اور حُسن نہ رہیگا

اُن دوستوں کے تجھسے دل بھر جائیں گے

وہی لوگ جو تجھے دھوکا دیتے تھے

جب تجھے دیکھیں گے تجھے بھوت کہیں گے

جب تجھے دروازہ پر دیکھیں گے سب تجھے کہیں گے

مردہ اپنی قبر سے نکل آیا ہے

اَمُرد (لڑکے) کی طرح کہ اُس کو خدا کہتے ہیں

تاکہ اِس مکّاری سے اُسکو جال میں پھانس لیں

جب بدنامی کے ساتھ اُس کی داڑھی نکل آئی

اُس کے اَحوال معلوم کر نے سے شیطان کو (بھی) ذلّت محسوس ہوتی ہے

شیطان شر پھیلا نے آدمی کی طرف آتا ہے

تیری جانب نہیں آتا، کیونکہ تو شیطان سے بد تر ہے

جب تک تو آدمی تھا شیطان تیرے پیچھے

دوڑتا تھا اور تجھے شراب پلاتا تھا

جب تو شیطنت میں پُختہ کار ہوگا

اے نالائق! شیطان تجھ سے بھاگتا ہے

جو تیرے دامن سے چمٹا ہوا تھا

جب تو ایسا ہو گیا وہ تجھ سے بھاگ گیا