آموختن وزیر مکر بادشاہ را

بادشاہ کے وزیر کا تفرقہ پھیلانے کے لئے مکر و فریب

اس بادشاہ کا ایک مکار اور رہزن وزیر تھا

جو مکاری سے پانی میں گرہ لگاتا تھا

اس نے کہا،نصرانی اپنی جان کی (اس طرح) حفاظت کریں گے

(کہ) بادشاہ سے اپنے دین کو چھپائیں گے

ان کو قتل نہ کر کیونکہ قتل کرنا مفید نہیں ہے ، مذہب میں

خوشبو نہیں ہوتی، وہ مشک اور اگر نہیں ہے

وہ سو، غلافوں میں چھپا ہوا راز ہے

اس کا ظاہر تیرے ساتھ ہے اور باطن بر-خلاف ہے

بادشاہ نے اس سے کہا، تو بتا کیا تدبیر ہے ؟

اور اس مکر و فریب کا کیا علاج ہے ؟

(میں چاہتا ہوں) کہ دنیا میں کوئی عیسائی نہ بچے

نہ کھلے دین کا اور نہ چھپے دین کا

اس نے کہا اے بادشاہ! میرے کان اور ہاتھ کاٹ دے

اور کڑوے حکم سے میری ناک اور ہونٹ چیر دے

اس کے بعد مجھے سولی کے نیچے لے آ

یہاں تک کہ ایک سفارشی مجھے مانگ لے

تو یہ کام اعلان گاہ پر کر

(اور) اس راستے پر کہ جو چوراہا ہو

اس وقت مجھے اپنے پاس سے کسی دور شہر میں نکال دے

تاکہ میں ان میں سو فتور ڈال دوں