خدا نے ختم کر دی تجھ پر اے شان سلیمانی

خدا نے ختم کر دی تجھ پر اے شان سلیمانی

خدا جوئی خدا گوئی خدا دانی خدا شانی

خدا نے آج دی ہے اُس کی توفیقِ ثنا خوانی

جو محبوبِ محب ہے اور حبیب یوسف ثانی

ہوئے جس پر فدا ہندی و ایرانی وکنعانی

تعالیٰ اللہ اے ہم صورت محبوبِ سبحانی

خدا نے ختم کردی تجھ پہ اے شانِ سلیمانی

خدا جوئی خدا گوئی خدا دانی خدا شانی

وہ اعزازِ رسالت جس سے چمکا روئے رحمانی

وہ انداز ولایت جس سے ابھرا حسنِ یزدانی

وہ حق ساز امامت جس سے پھیلا نورِ ربانی

وہ اعجازِ کرامت جس سے ٹوٹا سندھ کاپانی

خدا نے ختم کر دی تجھ پر اے شان سلیمانی

خدا جوئی خدا گوئی خدا دانی خدا شانی

زہے تنویز خورشید سپہر قلبِ نورانی

رہے تقریر نطق آیت قرآنِ ایمانی

زہے تطہیرِ فہم صورتِ نقاش عرفانی

زہے تقدیر حسن چہرۂ تکمیلِ انسانی

خدا نے ختم کر دی تجھ پر اے شان سلیمانی

خدا جوئی خدا گوئی خدا دانی خدا شانی

بتائی تونے راہِ منزل جوئندہ یابندہ

سنائی تونے تصدیق کلیم طور زیبندہ

سجھائی تونے تائید دلیل روئے رخشندہ

دکھائی تونے نورانیت خورشید تابندہ

خدا نے ختم کر دی تجھ پر اے شان سلیمانی

خدا جوئی خدا گوئی خدا دانی خدا شانی

ترا نقشِ قدم خضرِ بیابانِ محبت ہے

ترا حسن قدم اے جان ایمانِ محبت ہے

ترا فہم اتم توقیر احسان محبت ہے

ترا حسن قدم اے جان پیمانِ محبت ہے

خدا نے ختم کر دی تجھ پر اے شان سلیمانی

خدا جوئی خدا گوئی خدا دانی خدا شانی

یہ کہہ کر سالک راہِ خدا جوئی ادھر آئے

کہ آئے منظر راز خدا گوئی نظر آئے

وہ آئے بال جذبات خدا دانی میں پر آئے

یہ آئے شجرۂ دل میں خدا دانی ثمر آئے

خدا نے ختم کر دی تجھ پر اے شان سلیمانی

خدا جوئی خدا گوئی خدا دانی خدا شانی

رہ سنت نے تیری رسم بدعت خاک کر ڈالی

تری تقریر نے تحریرِ باطن چاک کر ڈالی

نہ مستحکم ہی تعمیرِ شہ لولاک کر ڈالی

جہاں میں شہرتِ حسنِ رسولِ پاک کر ڈالی

خدا نے ختم کر دی تجھ پر اے شان سلیمانی

خدا جوئی خدا گوئی خدا دانی خدا شانی

پئے نورِ محمد ہو جو کچھ مہرِ سلیمانی

عزیزِؔ خاک در ہو جائے رشک ماہِ کنعانی

پریشانی ہی کیا مٹ جائے ہو مشکل کی آسانی

پڑھو ں وہ مطلعِ روشن کہ ہو سب بزمِ نورانی

خدا نے ختم کر دی تجھ پر اے شان سلیمانی

خدا جوئی خدا گوئی خدا دانی خدا شانی