hai farz har insaan pe takriim tumhaarii

hai farz har insaan pe takriim tumhaarii

karte hai.n malak aa.nkho.n se taa'ziim tumhaarii

kyaa baat hai ai ahmad-e-be-miim tumhaarii

tausiif kare kyaa ko.ii tarqiim tumhaarii

qur.aa.n me.n sanaa jabki ho haa-miim tumhaarii

be-misl tumhii.n ho nazar 'azz-o-jal me.n

ho apnii naziir aap hii tum radd-o-badal me.n

ham-sar na tumhaaraa ko.ii rutba me.n mahal me.n

kyuu.n sajda malak karte na aadam ko azal me.n

manzuur thii allaah ko taa'ziim tumhaarii

har chashm-e-tamaashaa.ii me.n hairat se samaa jaa.e

yuu.n taa.ir-e-idraak u.De jaise havaa jaa.e

nuur-e-yad-e-baizaa par ik a.ndher-saa chhaa jaa.e

kyuu.n chashm-e-masiihaa me.n chakaa-chau.nd na aa jaa.e

u.nglii jo kare maah ko do-niim tumhaarii

sarshaar-e-mai-e-’ishq-e-payambar hai.n dil-o-jaa.n

kyuu.n ham pa-e-firdaus shab-o-roz ho.n hairaa.n

rah jaa.e.nge mu.nh dekhte ye zaahid-e-naadaa.n

degaa ye sadaa hashr me.n jab masto.n kaa rizvaa.n

hai aaj ke dan kausar-o-tasniim tumhaarii

yaktaa na kahuu.n kyuu.nki ho mahbuub ahad ke

parvaane hai.n jibriil-e-amii.n shama' se qad ke

vo mahram-e-asraar ho tum rabb-e-samad ke

hal kitne hii 'uqde hue naaKHun se KHirad ke

hargiz na ho.ii vaa girah-e-miim tumhaarii

manzuur rah-e-yaar me.n hai chain mujhe kab

paidal huu.n to kuchh Gam nahii.n hai shauq hii markab

rahbar se na hai kaam na rahvaar se matlab

KHud shauq-e-ziyaarat hai maraa rahbar-e-yasrib

darkaar kise KHizr hai taa'liim tumhaarii

aadam kii KHataa 'afv hu.ii un kii badaulat

kashtii bhii rahi nuuh kii tuufaa.n me.n salaamat

yuusuf kii hu.ii qaid me.n sab raf' musiibat

ahmad kii badaulat ye milii ra.nj se raahat

gulzaar hu.ii naar braahiim tumhaarii

zebaa sag-e-duniyaa ke la.e hai faras-o-fiil

kii hai shah-e-dii.n aap ne al-faqr kii takmiil

allaahu-Ganii KHaadim-e-dargaah hai.n jibriil

zeb-e-sar-e-aqdas hai jo laulaak kaa ikliil

sar-bar KHat-e-farmaa.n hai har iqliim tumhaarii

farmaa.o agar naaz se ik baar ishaara

ho.n misl-e-qamar siina-e-’ushshaaq-e-do-paara

vallaah juz allaah kise diid kaa yaara

rahtii arinii go ko ka.nh taab-e-nazaara

thii parda-kushaa tuur pe jab miim tumhaarii

duniyaa se na uThtii kabhii asnaam-parastii

rahmat na gunah-gaaro.n pe KHaaliq kii barastii

aa.nkho.n me.n na chhaatii mai-e-’irfaan kii mastii

paate na ye zarraat-e-jahaa.n partav-e-hastii

thii matala’-e-anvaar-e-ahad miim tumhaarii

maanaa ki likhii KHuub hai naa't-e-shah-e-abraar

jii chain se hotaa to nikalte ’ajab ash'aar

ham dekhte hai.n hijr-e-payambar me.n ho biimaar

ai kaash nasiim-e-sahar ai ‘raavii’-e-afgaar

kah de shah-e-laulaak se tasliim tumhaarii

hai farz har insaan pe takriim tumhaarii

karte hai.n malak aa.nkho.n se taa'ziim tumhaarii

kyaa baat hai ai ahmad-e-be-miim tumhaarii

tausiif kare kyaa ko.ii tarqiim tumhaarii

qur.aa.n me.n sanaa jabki ho haa-miim tumhaarii

be-misl tumhii.n ho nazar 'azz-o-jal me.n

ho apnii naziir aap hii tum radd-o-badal me.n

ham-sar na tumhaaraa ko.ii rutba me.n mahal me.n

kyuu.n sajda malak karte na aadam ko azal me.n

manzuur thii allaah ko taa'ziim tumhaarii

har chashm-e-tamaashaa.ii me.n hairat se samaa jaa.e

yuu.n taa.ir-e-idraak u.De jaise havaa jaa.e

nuur-e-yad-e-baizaa par ik a.ndher-saa chhaa jaa.e

kyuu.n chashm-e-masiihaa me.n chakaa-chau.nd na aa jaa.e

u.nglii jo kare maah ko do-niim tumhaarii

sarshaar-e-mai-e-’ishq-e-payambar hai.n dil-o-jaa.n

kyuu.n ham pa-e-firdaus shab-o-roz ho.n hairaa.n

rah jaa.e.nge mu.nh dekhte ye zaahid-e-naadaa.n

degaa ye sadaa hashr me.n jab masto.n kaa rizvaa.n

hai aaj ke dan kausar-o-tasniim tumhaarii

yaktaa na kahuu.n kyuu.nki ho mahbuub ahad ke

parvaane hai.n jibriil-e-amii.n shama' se qad ke

vo mahram-e-asraar ho tum rabb-e-samad ke

hal kitne hii 'uqde hue naaKHun se KHirad ke

hargiz na ho.ii vaa girah-e-miim tumhaarii

manzuur rah-e-yaar me.n hai chain mujhe kab

paidal huu.n to kuchh Gam nahii.n hai shauq hii markab

rahbar se na hai kaam na rahvaar se matlab

KHud shauq-e-ziyaarat hai maraa rahbar-e-yasrib

darkaar kise KHizr hai taa'liim tumhaarii

aadam kii KHataa 'afv hu.ii un kii badaulat

kashtii bhii rahi nuuh kii tuufaa.n me.n salaamat

yuusuf kii hu.ii qaid me.n sab raf' musiibat

ahmad kii badaulat ye milii ra.nj se raahat

gulzaar hu.ii naar braahiim tumhaarii

zebaa sag-e-duniyaa ke la.e hai faras-o-fiil

kii hai shah-e-dii.n aap ne al-faqr kii takmiil

allaahu-Ganii KHaadim-e-dargaah hai.n jibriil

zeb-e-sar-e-aqdas hai jo laulaak kaa ikliil

sar-bar KHat-e-farmaa.n hai har iqliim tumhaarii

farmaa.o agar naaz se ik baar ishaara

ho.n misl-e-qamar siina-e-’ushshaaq-e-do-paara

vallaah juz allaah kise diid kaa yaara

rahtii arinii go ko ka.nh taab-e-nazaara

thii parda-kushaa tuur pe jab miim tumhaarii

duniyaa se na uThtii kabhii asnaam-parastii

rahmat na gunah-gaaro.n pe KHaaliq kii barastii

aa.nkho.n me.n na chhaatii mai-e-’irfaan kii mastii

paate na ye zarraat-e-jahaa.n partav-e-hastii

thii matala’-e-anvaar-e-ahad miim tumhaarii

maanaa ki likhii KHuub hai naa't-e-shah-e-abraar

jii chain se hotaa to nikalte ’ajab ash'aar

ham dekhte hai.n hijr-e-payambar me.n ho biimaar

ai kaash nasiim-e-sahar ai ‘raavii’-e-afgaar

kah de shah-e-laulaak se tasliim tumhaarii