ne KHvaahish-e-insaa.n na parii-zaad kare.nge

ne KHvaahish-e-insaa.n na parii-zaad kare.nge

jii ko na Gam-e-hijr me.n barbaad kare.nge

gul-gasht-e-nabaataat se dil shaad kare.nge

gulzaar me.n nazzaara-e-shamshaad kare.nge

yaad ab na kisii kaa qadam aazaad kare.nge

rusvaaa-e-’aalam kaa gar tujh ko nahii.n Dar

o zaalim-e-be-rahm zaraa KHauf-e-KHudaa kar

is dal ke sataane kii sazaa hogii muqarrar

duniyaa me.n nahii.n zor to mahshar me.n sitam-gar

allaah ke aage tirii fariyaad kare.nge

sohbat me.n tirii lutf jo haasil mirii jaa.n

marne pe bhii jaane ke nahii.n dil se armaa.n

is ruup ke sadqe tire is Dha.ng ke qurbaa.n

huuro.n me.n kahaa.n naaz-o-adaa suurat-e-insaa.n

jannat me.n bhii duniyaa ke maze yaad kare.nge

rahtii nahii.n insaa.n kii sadaa ek sii haalat

mehmaan hai.n do din ke ye saamaan-e-masarrat

ye lutf na phir hogaa na hovegii ye sohbat

saaqii na ruke daur ye mausam hai Ganiimat

piirii me.n javaanii ke maze yaad kare.nge

Gairo.n ke liye ham se na kar Gamza-e-bejaa

Gussa dil-e-Gam-diida-e-’aashiq ko na dilvaa

dekh o sitam-iijaad jafaa-pesha KHudaa-raa

ham KHaak-nashiino.n kaa sataana nahii.n achchhaa

hil jaa.e.nge aflaak jo fariyaad kare.nge

aa.iina-sifat saf.ha-e-dil kar ke musaffaa

rakhte hai.n jo be-madd-e-nazar suurat-e-zebaa

'fidvii' yahii rakhte hai.n magar dil me.n tamannaa

likkhe.nge saraapaa sharar is lo'bat-e-chii.n kaa

kaar-e-qalam-e-maanii-o-bahzaad kare.nge

ne KHvaahish-e-insaa.n na parii-zaad kare.nge

jii ko na Gam-e-hijr me.n barbaad kare.nge

gul-gasht-e-nabaataat se dil shaad kare.nge

gulzaar me.n nazzaara-e-shamshaad kare.nge

yaad ab na kisii kaa qadam aazaad kare.nge

rusvaaa-e-’aalam kaa gar tujh ko nahii.n Dar

o zaalim-e-be-rahm zaraa KHauf-e-KHudaa kar

is dal ke sataane kii sazaa hogii muqarrar

duniyaa me.n nahii.n zor to mahshar me.n sitam-gar

allaah ke aage tirii fariyaad kare.nge

sohbat me.n tirii lutf jo haasil mirii jaa.n

marne pe bhii jaane ke nahii.n dil se armaa.n

is ruup ke sadqe tire is Dha.ng ke qurbaa.n

huuro.n me.n kahaa.n naaz-o-adaa suurat-e-insaa.n

jannat me.n bhii duniyaa ke maze yaad kare.nge

rahtii nahii.n insaa.n kii sadaa ek sii haalat

mehmaan hai.n do din ke ye saamaan-e-masarrat

ye lutf na phir hogaa na hovegii ye sohbat

saaqii na ruke daur ye mausam hai Ganiimat

piirii me.n javaanii ke maze yaad kare.nge

Gairo.n ke liye ham se na kar Gamza-e-bejaa

Gussa dil-e-Gam-diida-e-’aashiq ko na dilvaa

dekh o sitam-iijaad jafaa-pesha KHudaa-raa

ham KHaak-nashiino.n kaa sataana nahii.n achchhaa

hil jaa.e.nge aflaak jo fariyaad kare.nge

aa.iina-sifat saf.ha-e-dil kar ke musaffaa

rakhte hai.n jo be-madd-e-nazar suurat-e-zebaa

'fidvii' yahii rakhte hai.n magar dil me.n tamannaa

likkhe.nge saraapaa sharar is lo'bat-e-chii.n kaa

kaar-e-qalam-e-maanii-o-bahzaad kare.nge