نہ کیوں کر ہم ہوں قربان محمد
نہ کیوں کر ہم ہوں قربان محمد
بڑے ہیں ہم پہ احسان محمد
ملائک ہیں ثنا خوان محمد
فلک ہے زیر دامان محمد
بڑی ہے عرش سے شان محمد
سراسر ہے وہ شان حق کا جلوا
اسے دیکھا تو گویا حق کو دیکھا
اسی کی لو میں دل جلتا ہے میرا
چراغ ماہ ہے پروا نہ جس کا
وہ ہے شمع شبستان محمد
تمنا ہے یہ اپنی اب تو ہر دم
جو مولا ہے ہمارا فخر آدم
دکھا اب اس کا روضہ رب اکرم
ہوا وہ باعث ایجاد عالم
بڑا ہے ہم پہ احسان محمد
محمد کا عجب روضہ ہے ذیشاں
کہ جس سے قدرت حق ہے نمایاں
فرشتے ہوتے ہیں جا جا کے قرباں
کہوں کیوں کر نہ میں درباں کو رضواں
کہ جنت ہے گلستان محمد
یہی کہتے ہیں مشتاقان حق جو
نہ ہو دم بھر جو مہر شاہ خوش خو
نہ حاصل ہو تجلی مہر و مہ کو
چراغ آسماں اک دم میں گل ہو
نہ ہو گر زیرِ دامان محمد
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
