اب نہ کر پردہ کہ اے پردہ نشیں دیکھ لیا

یوں تو اکثر تجھے بلائے زمیں دیکھ لیا

سر اٹھایا تو سرِ عرشِ بریں بریں دیکھ لیا

تو وہ جلوہ ہے جہاں چاہا وہیں دیکھ لیا

ہم نے در پردہ تجھے ماہِ جبیں دیکھ لیا

اب نہ کر پردہ کہ اے پردہ نشیں دیکھ لیا

سات پردوں میں کیا گو رخِ روشن پنہاں

میم بن کر تو احد میں ہو لاریب نہاں

دیکھنے والوں نے پر ڈھونڈ لیے تیری نشاں

ہم نظر بازوں سے تو چھپ نہ سکا جانِ جہاں

جس جگہ جا کے چھپا ہم نے وہیں دیکھ لیا

شہرۂ حسن ترا قصر جنان میں پایا

تجھ کو موصوف فرشتوں کی زباں میں پایا

ہم نے چرچا ترا ہر ایک جہاں میں پایا

نام مشہور ترا کون و مکاں میں پایا

لا مکاں کا تجھے کہتے ہیں میں دیکھ لیا

ڈھونڈھتے پھرتے تھے ایک عرصہ سے مضطر ہو تجھے

ایک دن کو شہ توحید میں پایا جو تجھے

شان معبود کی سمجھے ہیں یہاں ہم تو تجھے

تیرے دیدار کی تھی ہم کو تمنا سو تجھے

لوگ دیکھیں گے وہاں ہم نے یہیں دیکھ لیا

تو نے دیکھے جو نشان عقل نہ پہنچے گی وہاں

کیا کروں ان کا بیان عقل نہ پہنچے گی وہاں

کیا ہے جبریل کی جان عقل نہ پہنچے گی وہاں

عشق پہنچا ہے جہاں عقل نہ پہنچے گی وہاں

زیر سدرہ ہی رہا روح امیں دیکھ لیا

نور وحدت کا تو کثرت میں نشاں ہے بیشک

سارا عالم ہے جسد اور تو جاں ہے بیشک

بعد اللہ کے تیرا ہی بیاں ہے بیشک

تجھ سوا ہے جو وہ سب وہم و گماں ہے بیشک

اب تو انصاف سے کہہ ہاں کہ نہیں دیکھ لیا

سچ ہے ہر حسن میں مملو ہے کمالِ جاناں

آنکھ ہو دے تو ہر ایک شئے ہے کمالِ جاناں

کیوں دلا دیکھ لیا فیض خیال جاناں

رہنما ہو ہی گیا اپنا جمالِ جاناں

یاد وہ آ گیا جور دیے حسین دیکھ لیا

تیری مدحت میں زباں خامہ اول کی ہی لال

فال میں حال نہیں حال کو آ جاتا ہے حال

خبر خدا کون سمجھ سکتا ہے تیرا احوال

تو ہے وہ نور مصفیٰ کہ نہیں تیرا مثال

گہہ زمیں گاہ سرِ عرشِ بریں دیکھ لیا

وہم بن کر ہوئے لاکھوں میری واں تک پھیری

خوب اب جان لیا ہو گئی بالکل سیری

جلوۂ حق سے ہے ملتی ہوئی صورت تیری

سن کے حق بینی کا مضمون غزل میں میری

اہل تحقیق کہیں گے کہ کہیں دیکھ لیا

ذکر محبوب ہے ہشیاروں کو میگوں ساقی

دیکھ طالبؔ کہ یہ سب پھرتی ہیں مفتوں ساقی

زاہدین عشقِ مخمور ہیں مجنوں ساقی

اس سے پوچھے کوئی توحید کی مضمون ساقی

جس نے احمد کو احد کے ہے قریں دیکھ لیا