زہے شان_جلال_حضرت_محبوب_سبحانی

زہے شان جلال حضرت محبوب سبحانی

امام شرق و غرب و بادشاہ انسی و جانی

دلا کچھ غم نہیں سب مشکلوں کی ہوگی آسانی

خدا کے روبرو گر ہے تجھے کچھ منزلت پانی

سگ درگاہ جیلاں شو چو خواہی قرب ربانی

کہ بر شیراں شرف دارد سگ درگاہ جیلانی

جمال عارض پر نور شمع بزم یزداں ہے

فروغ صبح عرفاں آفتاب دین و ایماں ہے

نگاہ التفات اس کی بہ از ملک سلیماں ہے

تری آنکھوں میں گر کچھ بھی ضیائے نور عرفاں ہے

سگ درگاہ جیلاں شو چو خواہی قرب ربانی

کہ بر شیراں شرف دارد سگ درگاہ جیلانی

غلاموں کو ہے اس کے بادشاہوں پر شرف حاصل

مقاصد دین و دنیا کے ہیں ان کو ہر طرف حاصل

دعا سے اس کی ہوتا لا ولد کو ہے خلف حاصل

ہوا داروں کو اس کے ہی نوید لا تخف حاصل

سگ درگاہ جیلاں شو چو خواہی قرب ربانی

کہ بر شیراں شرف دارد سگ درگاہ جیلانی

نبی نے آپ کے جب دوش پر اپنا قدم رکھا

محی الدین محی الدین محی الدین فرمایا

کہوں کیوں کر نہ اس کو مہر ہے چرخ ولایت کا

تجلی سے ہے اس کی عالم تکوین میں جلوہ

سگ درگاہ جیلاں شو چو خواہی قرب ربانی

کہ بر شیراں شرف دارد سگ درگاہ جیلانی