ai mere data ai mere malik ai mere maula ai mere wali

ai mire daatā ai mire mālik ai mire maulā ai mire vaalī

shāhanshāh-e-do-'ālam tū hai sab se tirī sarkār hai 'aalī

shaan tirī har aan na.ī hai gaah jamālī gaah jalālī

vo bhī 'ajab kHush-vaqt hai jis ne qalb meñ terī yaad basā lī

shuġhl mirā bas ab to ilāhī shām-o-sahar ho allāh allāh

leTe-baiThe chalte-phirte āTh-pahar ho allāh allāh

kasab meñ duniyā hī ke rahā maiñ diin kī daulat kuchh na kamā.ī

vaqt yūñhī be-kār guzārā 'umr yūñhī ġhaflat meñ gañvā.ī

ḳhalq meñ sab se maiñ hī burā huuñ koī nahīñ hai mujh meñ bhalā.ī

mujh sā koī bad-kār na hogā kaun sī maiñ ne kī na burā.ī

shuġhl mirā bas ab to ilāhī shām-o-sahar ho allāh allāh

leTe-baiThe chalte-phirte āTh-pahar ho allāh allāh

zikr kī ab taufīq ho yā-rab kaam kā ye nākām ho terā

qalb meñ har dam yaad ho terī lab pe hamesha naam ho terā

tujh se bahut rahtā hai gurezāñ ab dil-e-vahshī raam ho terā

mujh ko ab istiqlāl 'atā kar puḳhta bas ab ye ḳhaam ho terā

shuġhl mirā bas ab to ilāhī shām-o-sahar ho allāh allāh

leTe-baiThe chalte-phirte āTh-pahar ho allāh allāh

zikr tirā kar kar ke ilāhī duur karūñ maiñ dil kī siyāhī

chhoḌ kar hubb-e-mālī-o-jāhī ab to karūñ bas faqr meñ shāhī

shām-o-sahar hai shuġhl-e-manāhī mere gunah haiñ lā-mutanāhī

kis se kahūñ maiñ apnī tabāhī tū hī mirī kar pusht-panāhī

shuġhl mirā bas ab to ilāhī shām-o-sahar ho allāh allāh

leTe-baiThe chalte-phirte āTh-pahar ho allāh allāh

nafs ke shar se mujh ko bachā le ai mire allāh ai mire allāh

panja-e-ġham se mujh ko chhuḌā le ai mire allāh ai mire allāh

sun mire naale sun mire naale ai mire allāh ai mire allāh

apnā banā le apnā banā le ai mire allāh ai mire allāh

shuġhl mirā bas ab to ilāhī shām-o-sahar ho allāh allāh

leTe-baiThe chalte-phirte āTh-pahar ho allāh allāh

apnī razā meñ mujh ko miTā de ai mire allāh ai mire allāh

kar de fanā sab mere irāde ai mire allāh ai mire allāh

jām-e-mohabbat apnā pilā de ai mire allāh ai mire allāh

dil meñ mirī yaad apnī rachā de ai mire allāh ai mire allāh

shuġhl mirā bas ab to ilāhī shām-o-sahar ho allāh allāh

leTe-baiThe chalte-phirte āTh-pahar ho allāh allāh

dīda-o-dil meñ tujh ko basā luuñ sab se haTā luuñ apnī nazar maiñ

terā hī jalva pesh-e-nazar ho jā۔ūñ kahīñ maiñ dekhūñ jidhar maiñ

terā tasavvur aisā jamā luuñ qalb meñ misl-e-naqsh-e-hijr maiñ

bhuul sakūñ tā 'umr na tujh ko chāhūñ bhulānā ḳhud bhī agar maiñ

shuġhl mirā bas ab to ilāhī shām-o-sahar ho allāh allāh

leTe-baiThe chalte-phirte āTh-pahar ho allāh allāh

zaat hai terī sab se nirālī shaan hai terī fahm se 'aalī

us ko terī vahdat hai mushāhid jis kā hai dil aġhyār se ḳhālī

tere shavāhid bahr-o-bar gardūñ zamīñ ayyām-o-layālī

zarra zarra qatra qatra patta patta Daalī Daalī

shuġhl mirā bas ab to ilāhī shām-o-sahar ho allāh allāh

leTe-baiThe chalte-phirte āTh-pahar ho allāh allāh

kunh tirī hai fahm se 'aalī vasf tirā hai 'aql se baalā

tere haiñ lākhoñ mānñe vaale koī nahīñ hai jānñe vaalā

terī mohabbat ruuh kī lazzat terā tasavvur dil kā ujālā

nutq ne mere chuum liye lab naam tirā jab muñh se nikālā

shuġhl mirā bas ab to ilāhī shām-o-sahar ho allāh allāh

leTe-baiThe chalte-phirte āTh-pahar ho allāh allāh

apnā mujhe 'majzūb' banā le terā hī saudā ho mire sar meñ

terī mohabbat ho rag-o-pai meñ jaan meñ tan meñ dil meñ jigar meñ

shaad rahūñ maiñ rañj-o-ḳhushī meñ sūd-o-ziyāñ meñ naf'-o-zarar meñ

farq na dekhūñ shāh-o-gadā meñ durr-o-sadaf meñ lā'l-o-hajar meñ

shuġhl mirā bas ab to ilāhī shām-o-sahar ho allāh allāh

leTe-baiThe chalte-phirte āTh-pahar ho allāh allāh

ai mere data ai mere malik ai mere maula ai mere wali

shahanshah-e-do-'alam tu hai sab se teri sarkar hai 'ali

shan teri har aan nai hai gah jamali gah jalali

wo bhi 'ajab kHush-waqt hai jis ne qalb mein teri yaad basa li

shughl mera bas ab to ilahi sham-o-sahar ho allah allah

leTe-baiThe chalte-phirte aaTh-pahar ho allah allah

kasab mein duniya hi ke raha main din ki daulat kuchh na kamai

waqt yunhi be-kar guzara 'umr yunhi ghaflat mein ganwai

KHalq mein sab se main hi bura hun koi nahin hai mujh mein bhalai

mujh sa koi bad-kar na hoga kaun si main ne ki na burai

shughl mera bas ab to ilahi sham-o-sahar ho allah allah

leTe-baiThe chalte-phirte aaTh-pahar ho allah allah

zikr ki ab taufiq ho ya-rab kaam ka ye nakaam ho tera

qalb mein har dam yaad ho teri lab pe hamesha nam ho tera

tujh se bahut rahta hai gurezan ab dil-e-wahshi ram ho tera

mujh ko ab istiqlal 'ata kar puKHta bas ab ye KHam ho tera

shughl mera bas ab to ilahi sham-o-sahar ho allah allah

leTe-baiThe chalte-phirte aaTh-pahar ho allah allah

zikr tera kar kar ke ilahi dur karun main dil ki siyahi

chhoD kar hubb-e-mali-o-jahi ab to karun bas faqr mein shahi

sham-o-sahar hai shughl-e-manahi mere gunah hain la-mutanahi

kis se kahun main apni tabahi tu hi meri kar pusht-panahi

shughl mera bas ab to ilahi sham-o-sahar ho allah allah

leTe-baiThe chalte-phirte aaTh-pahar ho allah allah

nafs ke shar se mujh ko bacha le ai mere allah ai mere allah

panja-e-gham se mujh ko chhuDa le ai mere allah ai mere allah

sun mere nale sun mere nale ai mere allah ai mere allah

apna bana le apna bana le ai mere allah ai mere allah

shughl mera bas ab to ilahi sham-o-sahar ho allah allah

leTe-baiThe chalte-phirte aaTh-pahar ho allah allah

apni raza mein mujh ko miTa de ai mere allah ai mere allah

kar de fana sab mere irade ai mere allah ai mere allah

jam-e-mohabbat apna pila de ai mere allah ai mere allah

dil mein meri yaad apni racha de ai mere allah ai mere allah

shughl mera bas ab to ilahi sham-o-sahar ho allah allah

leTe-baiThe chalte-phirte aaTh-pahar ho allah allah

dida-o-dil mein tujh ko basa lun sab se haTa lun apni nazar main

tera hi jalwa pesh-e-nazar ho ja۔un kahin main dekhun jidhar main

tera tasawwur aisa jama lun qalb mein misl-e-naqsh-e-hijr main

bhul sakun ta 'umr na tujh ko chahun bhulana KHud bhi agar main

shughl mera bas ab to ilahi sham-o-sahar ho allah allah

leTe-baiThe chalte-phirte aaTh-pahar ho allah allah

zat hai teri sab se nirali shan hai teri fahm se 'ali

us ko teri wahdat hai mushahid jis ka hai dil aghyar se KHali

tere shawahid bahr-o-bar gardun zamin ayyam-o-layali

zarra zarra qatra qatra patta patta Dali Dali

shughl mera bas ab to ilahi sham-o-sahar ho allah allah

leTe-baiThe chalte-phirte aaTh-pahar ho allah allah

kunh teri hai fahm se 'ali wasf tera hai 'aql se baala

tere hain lakhon manne wale koi nahin hai jaanne wala

teri mohabbat ruh ki lazzat tera tasawwur dil ka ujala

nutq ne mere chum liye lab nam tera jab munh se nikala

shughl mera bas ab to ilahi sham-o-sahar ho allah allah

leTe-baiThe chalte-phirte aaTh-pahar ho allah allah

apna mujhe 'majzub' bana le tera hi sauda ho mere sar mein

teri mohabbat ho rag-o-pai mein jaan mein tan mein dil mein jigar mein

shad rahun main ranj-o-KHushi mein sud-o-ziyan mein naf'-o-zarar mein

farq na dekhun shah-o-gada mein durr-o-sadaf mein la'l-o-hajar mein

shughl mera bas ab to ilahi sham-o-sahar ho allah allah

leTe-baiThe chalte-phirte aaTh-pahar ho allah allah