dar bayan-e-urs hazrat-salim-chishti

hai ye majma.a niko sarishtī kā

zikr kiyā yaañ gunah ke zishtī kā

bahr hai ārifoñ kī kashtī kā

faḳhr hai harf sar-navishtī kā

rashk hai gulshan-e-bahishtī kā

urs hazrat-'salīm'-chishtī kā

bāġh-e-jannat hai aaj ye dargāh

phuul phūle haiñ faiz ke dil-ḳhvāh

dekh rizvāñ bahār yaañ kī vaah

dil meñ kahtā dam-ba-dam vallāh

rashk hai gulshan-e-bahishtī kā

urs hazrat-'salīm'-chishtī kā

ye tajallī sīm-o-zar se hai

abr-e-rahmat kā nuur barse hai

hūr-o-ġhilmāñ kī ruuh tarse hai

aur ishāra yahī nazar se hai

rashk hai gulshan-e-bahishtī kā

urs hazrat-'salīm'-chishtī kā

sahn-e-dargah hai baaġh aur bustān

aur haiñ zardār sab gul-o-raihān

jis meñ sab phuul phuul ho shādāñ

yahī kahte haiñ har ghaḌī har aan

rashk hai gulshan-e-bahishtī kā

urs hazrat-'salīm'-chishtī kā

bas-ki ḳhilqat bharī hai lālñ-lāl

ghar-makān hai guloñ se mālā-māl

husn raag aur mashā.iḳh ke haal

bhiiḌ ġhul shor or ye qāl-maqāl

rashk hai gulshan-e-bahishtī kā

urs hazrat-'salīm'-chishtī kā

khil rahā hai chaman jo faiz bharā

jharnā goyā hai hauz-e-jannat kā

qudsiyāñ dekh vo bahisht-sarā

sab pukāreñ haiñ yuuñ ahāhāhā

rashk hai gulshan-e-bahishtī kā

urs hazrat-'salīm'-chishtī kā

kitne dargah meñ faiz uThāte haiñ

kitne jharne haiñ jā nahāte haiñ

kitne nazr-o-niyāz laate haiñ

kitne ḳhush ho yahī sunāte haiñ

rashk hai gulshan-e-bahishtī kā

urs hazrat-'salīm'-chishtī kā

urs dargāh ke jo dekhā vaah

aur hī gul khile haiñ ḳhātir-ḳhvāh

bulbuloñ kī tarah se jhuk kar aah

sab yahī kar rahe haiñ kar ke nigāh

rashk hai gulshan-e-bahishtī kā

urs hazrat-'salīm'-chishtī kā

hai baham duur duur kā aalam

sabz-o-surḳh-o-safed-o-zard ham

sab ḳhushī ho ke joñ gul shabnam

dekh saireñ ye kahte haiñ har-dam

rashk hai gulshan-e-bahishtī kā

urs hazrat-'salīm'-chishtī kā

bhiiḌ amboh ḳhalaq kī taksīr

bādashāh-o-gadā-o-amīr-o-vazīr

tifl-o-pīr-o-javān ġharīb-o-faqīr

par sabhoñ kī zabāñ pe ye taqrīr

rashk hai gulshan-e-bahishtī kā

urs hazrat-'salīm'-chishtī kā

kitne nazroñ se zaḳhmī hote haiñ

kitne dil apnā muft khote haiñ

kitne ulfat ke tuḳhm bote haiñ

kitne motī khaḌe pirote haiñ

rashk hai gulshan-e-bahishtī kā

urs hazrat-'salīm'-chishtī kā

kitne vaañ sīm-tan bhī phirte haiñ

ġhuncha-lab gul-badan bhī phirte haiñ

shoḳh gul-pairahan bhī phirte haiñ

dil-rubā dil-shikan bhī phirte haiñ

rashk hai gulshan-e-bahishtī kā

urs hazrat-'salīm'-chishtī kā

ārif-ul-haq miyāñ alī-ahmad

un kī ḳhūbī 'nazīr' se behad

sab pukāre haiñ ḳhalaq behad va.ad

rashk hai gulshan-e-bahishtī kā

urs hazrat-'salīm'-chishtī kā

hai ye majma niko sarishti ka

zikr kiya yan gunah ke zishti ka

bahr hai aarifon ki kashti ka

faKHr hai harf sar-nawishti ka

rashk hai gulshan-e-bahishti ka

urs hazrat-'salim'-chishti ka

bagh-e-jannat hai aaj ye dargah

phul phule hain faiz ke dil-KHwah

dekh rizwan bahaar yan ki wah

dil mein kahta dam-ba-dam wallah

rashk hai gulshan-e-bahishti ka

urs hazrat-'salim'-chishti ka

ye tajalli sim-o-zar se hai

abr-e-rahmat ka nur barse hai

hur-o-ghilman ki ruh tarse hai

aur ishaara yahi nazar se hai

rashk hai gulshan-e-bahishti ka

urs hazrat-'salim'-chishti ka

sahn-e-dargah hai bagh aur bustan

aur hain zardar sab gul-o-raihan

jis mein sab phul phul ho shadan

yahi kahte hain har ghaDi har aan

rashk hai gulshan-e-bahishti ka

urs hazrat-'salim'-chishti ka

bas-ki KHilqat bhari hai laln-lal

ghar-makan hai gulon se mala-mal

husn rag aur mashaiKH ke haal

bhiD ghul shor or ye qal-maqal

rashk hai gulshan-e-bahishti ka

urs hazrat-'salim'-chishti ka

khil raha hai chaman jo faiz bhara

jharna goya hai hauz-e-jannat ka

qudsiyan dekh wo bahisht-sara

sab pukaren hain yun ahahaha

rashk hai gulshan-e-bahishti ka

urs hazrat-'salim'-chishti ka

kitne dargah mein faiz uThate hain

kitne jharne hain ja nahate hain

kitne nazr-o-niyaz late hain

kitne KHush ho yahi sunate hain

rashk hai gulshan-e-bahishti ka

urs hazrat-'salim'-chishti ka

urs dargah ke jo dekha wah

aur hi gul khile hain KHatir-KHwah

bulbulon ki tarah se jhuk kar aah

sab yahi kar rahe hain kar ke nigah

rashk hai gulshan-e-bahishti ka

urs hazrat-'salim'-chishti ka

hai baham dur dur ka aalam

sabz-o-surKH-o-safed-o-zard hum

sab KHushi ho ke jon gul shabnam

dekh sairen ye kahte hain har-dam

rashk hai gulshan-e-bahishti ka

urs hazrat-'salim'-chishti ka

bhiD amboh KHalaq ki taksir

baadashah-o-gada-o-amir-o-wazir

tifl-o-pir-o-jawan gharib-o-faqir

par sabhon ki zaban pe ye taqrir

rashk hai gulshan-e-bahishti ka

urs hazrat-'salim'-chishti ka

kitne nazron se zaKHmi hote hain

kitne dil apna muft khote hain

kitne ulfat ke tuKHm bote hain

kitne moti khaDe pirote hain

rashk hai gulshan-e-bahishti ka

urs hazrat-'salim'-chishti ka

kitne wan sim-tan bhi phirte hain

ghuncha-lab gul-badan bhi phirte hain

shoKH gul-pairahan bhi phirte hain

dil-ruba dil-shikan bhi phirte hain

rashk hai gulshan-e-bahishti ka

urs hazrat-'salim'-chishti ka

aarif-ul-haq miyan ali-ahmad

un ki KHubi 'nazir' se behad

sab pukare hain KHalaq behad wad

rashk hai gulshan-e-bahishti ka

urs hazrat-'salim'-chishti ka