خدائے واحد پہ کر بھروسہ ہے شرک ظلم عظیم اے دل

خدائے واحد پہ کر بھروسہ ہے شرک ظلم عظیم اے دل

سزا مقرر ہوئی ہے جس کی خلود نار جحیم اے دل

جو اہلِ ایمان وبا وفا ہیں لہم نعیم مقیم اے دل

جو کفر کرتے ہیں اپنے رب سے لہم عذاب الیم اے دل

کریم خود ہے خدا ہمارا، نبی بھی اس کا کریم اے دل

وہ خود رؤف رحیم، اس کا نبی رؤف رحیم اے دل

قسم خدا کی ہے ایسا جادو، نبی کا خلق عظیم اے دل

جو دشمن جاں ہے آج ہوگا وہ کل ولی حمیم اے دل

جو جذبہ عشق دل میں لے کر خدا کے گھر کا طواف کر لے

سفارشی اس کے ہوں گے محشر میں حجر و رکن و حطیم اے دل

یہ فخرؔ عاصی کی پردہ داری کا روز محشر ہے ساز و ساماں

شفیع روزِ جزا نبی ہیں شفیع ان کی گلیم اے دل